صدمة طلاب الثانوية العامة
بسم الله الرحمن الرحيم
انهاردة صدمت صدمة عظيمة انا واصدقائي من طلاب الصفين الاول والثاني ثانوية عامة
حين قرأت الاعلان في المدرسة اعلان عن نظام الثانوية العامة الجديد
فيه بند في الاعلان اغضبني جدا واغضب كل من قرأة
البند يقول "فيه ورقة غياب وورقة سلوك
ورقة الغياب يوقع عليها الطالب يوميا واي شخص يغيب اكتر من 15% من الترم ملوش حق يخش الامتحان
ورقة سلوك اذا ساء سلوك الطالب في المدرسة يمنع من دخول الامتحان وتوقع هذه الورقة من مدرس المادة والمدير ولا يحق للطالب التظلم لان تظلمة سوف يرفض
بجد حرااااااام قوي موضوع ورقة السلوك ده يعني لو المدرس حاططني في دماغة لاني مش باخد عندة درس مثلا او لاسلاب شخصية يحرمني من دخول الامتحان ومليش حق التظلم لا كده كتير بصراحة ظلم وظلم كبير قوي ع الطالب المفروض تتعدل الحكاية دي حرااام بجد مش هيبقي المناهج والمدرسين علينا المفروض يرحمونا شوية
ده طبعا غير انهم لغو نظام المستوي الرفيع اصلها خربانه خربانه
|