اممممممم
هي قاعده صعب انها تتشرح كدا
بس انا عن نفسي كأحمد هحاول
هو الملخص يعني من الاخر على حد ما اتذكر
إن الجسم المغمور جزئياً او كلياً ف الماء بيكون مدفوع بقوة دفع من الماء إلى أعلى
القوه دي مقدارها بيساوي وزن السائل المزاح بسبب الجسم
بمعنى
انك مثلاً حطيت خشبه في الميه
فالخشب بما انه خفيف بديهياً مش هيغوص ف الميه بل هيطفو عليها
وزن الخشب كله هنا بقى بيساوي قوة دفع الميه للخشب
وقوة دفع الميه للخشب دي ال هي بتساوي ايه؟
دي بتساوي يا سيدي كثافة الماء في حجم الخشب ال مغمور ف الميه ( المغمور بس) في عجلة الجاذبيه الارضيه
يعني
RVol g
الار دي مكان الرو ال هي الكثافه
والفول دي الحجم بتاع الخشب المغمور بس
اما ال طافي منه فوق الميه دا ميلزمناش
.................................................. ...............
طيب دا لو الجسم طافي
طيب لو كان مغمور جوه الميه ايه ال هيحصل؟
ببساطه
معنى انه مغمور جوه الميه يبقى الجسم دا مش مهم انه تقيل لا المهم ان الماده المصنوع منها تقيله
يعني يكون معدن زي الحديد او التيتانيوم او الالومونيوم او اي معدن تقيل
معنى كدا ايه
قولنا ان قوة الدفع بتساوي الحجم المغمور من الجسم في كثافة الماء ف عجلة الجاذبيه
طيب هنا الجسم كله مغمور
يبقى الحجم هيبقى حجم الجسم المغمور كله
يعني مثلاً
لو رميت ربع جنيه مخروم من ال مبقاش موجود دا :D
هيغوص ف الميه
الميه هتدفعه لفوق بقوة دفع بتساوي R * Vol * g
بس الحجم المرادي هيكون حجم الربع جنيه كله
طيب احن قولنا لما كان طافي ان قوة الدفع هتساوي وزن الجسم
هل هنا كدا بردو؟
هقولك لأ ياحج وإلا مكانش اتغمر ونزل لتحت
طيب ليييييه مش قد بعض؟
هقولك لأنّ دا معدن فالكثافه بتاعته اكبر من كثافة الماء
فاحسب انت بنفسك قوة الدفع والوزن
الوزن هيساوي رو في جي بردو
بس المرادي الرو بتاعة المعدن
وبما ان المعدن كثافته اعلى
يبقى وزنه هيبقى اكبر
ودا يفسر إنّه غاص لتحت
عشان اتقل من قوة الدفع
طيب هتقولي الفرق بين القوتين دا هيروح فين؟
اقولك يروح مكان مايروح ميهمناش
ممكن يجيبهولك ف المسأله على إنّه وزن تخيلي وان تحسبه بطرح قوة الدفع من الوزن
او يجيبهولك قوة شد لأعلى
او خلافه
.......................
اخيراً لو الجسم معلق
هو ايه معنى معلق؟
يعني الجسم موجود ف الميه بس لاهو طافي ولا هو غايص تحت
واقف ف النص
دا ليه بقى؟
دا عشان قوة الدفع هنا هتساوي وزن الجسم مش اكتر ولا اقل
....................................
انت فاهم مني حاجه ولا انا بكتب ع الفاضي؟
لو فاهم هكملك الحاجات المهمه بتاعة السفن والسوائل المختلفه وما إلى ذلك
|