اقتباس:
المشاركة الأصلية كتبت بواسطة omarozil
ياشباب اولا الجروب جميل وشكرا على اللى عمل الموضوع وبالتوفيق لينا كلنا ان شاء الله
ثانيا كان فى استفسار كدا .. اخباركم ايه فى كلمات الانجليش
انا الصراحه فى تانيه مكنتش بحفظ كتير وجبت مجموع مش حلو فى الانجليش
بس ناوى اظبط السنه دى بس لما بحفظ بنسى بسرعه مع انى بقعد وقت طويل احفظ
ياريت حد يفيدنى فى الموضوع دا وربنا معاكوا
ولو حد محتاج حاجه فى الرياضه و الفيزيا موجود 
فى أمان الله ..! |
الجروب منور بأصحابه
بالنسبه للانجلش دي حاجه سهله خالص
قسم الكلمات بحيث تحفظ 3 كلمات كل مره
اقرأهم كويس وياريت يكون النطق صح
اكتبهم مش تحفظ شفوي بس
شغل اديك وابدأ احفظهم كتابه
في الاول هتلاقيك بتغلط في الحروف بس هتحفظ بسرعه
متنقلش علي غيرهم الا لما تحفظهم كويس
وكل مره تحفظ 3 مثلا سمع من الاول تاني كتابه برضه
يعني انت حفظت 3 وبعدين 3 يبقي تسمع ال6
وبعدين ال9
وهكذا
لما تخلص بقي اكتب الكلمات بالعربي
ومش بالترتيب اللي انت حفظت بيه واقفل الكتاب
وسمع بقي وصحح لما تخلص
واللي انت غلط فيه احفظه تاني وياريت تلونهم بقلم فسفور مثلا
ده هيساعدك علي التذكر كل مره
كمان لما تيجي تسمع للمدرس او تحل هتفتكر
اللي انت كنت كاتبه
وهتفتكرالكلمات الملونه
وشويه شويه هتتعود علي النظام ده ومش هياخد منك وقت كتير
ولما تيجي تراجع اليونيت مثلا
اقرأ الكلمات بعينك وركز علي المتلون
وانقل الكلمات بالعربي وسمع برضه وصحح
_----------------_
بالتوفيق ليك ولينا كلنا