[مـــــلك]

الجري نص الجدعنه وانا معرفش أجري لان وزني تقيل

وعندي اللي اقوله خلاف الغنوه والمواويل

وعارفه ان نشر المبادئ محتاج لنفسي الطويل

وعارفه ان هاسمع شتيمه تكفي جيل بالقليل

ويمكن يقولوا الغزية والا يشتموا بأمي والا يهدروا دمي

والا يقولوا بأجنده ومندسه ومن الاجانب دي لها تمويل

طب ما حنا شيلنا النظام

هاكتب بقا ايه النظام

هاتمنعونا نهاجمكم يعني تبقوا نظام

لا يبقا كده تمثيل

وانا مش هامثل والا اكتب كلام مدغدغ مكركب

وازغرلكم قال يعني الكلام له مغزى

لا مش أنا لا مؤاخذة

اللي هانقدكم هانقدكم بكلام

من عينه العلبه دي فيها ايه

العلبة دي فيها فيل