[مريم السباعى.]

السلام عليكم
سلاام كبييييييير لكل الثانوية وطبعا لكل الجمعاوية الى خلاص كلها شهر وحنكون فى الهوا سوا وربنا يستر
ولجل هذا السبب
واننا كلنا بنستعد لامتحانات
جبتكلم حتة موضوع هو مش موضوع هو تجربة شخصية قريته اوقلت لاااازم ولابد وحتما اجبهللكم وبتمنى بجد تقروها بتمعن كدة حكاية خففية بس بصراحة اعطتنيى امل كبيييير بعد مكنت مرعوبة
يخربت رغى
بصو اسيبكم تقروها بنفسكم
وربنا يوفقكم ويوفقنى يااااااااااااااااااااااااااااااااارب
ونجيب درجات حلوة كلنا يارب....
.................................................. ................
بسم الله الرحمن الرحيم

طبعا هم الامتحانات هم ما يعلم بيه إلا ربنا

والواحد حتى لو مذاكر بيبقى متوتر وقلقان جداااااااااااا

ما بالكم بقى لو مش مذاكر كويس !!

انا عندي مواقف كتير جداااااااااا مع الامتحانت ..خصوصا انا قعدت امتحن 6 سنين

ومش اي امتحانات ..ده امتحانات طب ..بما فيها من شفوي وعملي ونظري واختياري وحالات واخر صيحة حاجة اسمها اوسكي !

المهم..مشتغلوش بالكم بالحاجات دي

انا مكنتش بحكي اللي بيحصلي لحد غير صاحبي الانتيم

بس قولت احكيلكم بعض المواقف اللي حصلت معايا وهدفي اولا ان كل واحد فينا يزيد يقينه لما يقرأ الكلام ، لان ده كلام واقعي وحصل مش أساطير!وعلشان وضح للناس ازاي ربنا هو مسبب الاسباب ..
انت ممكن تقعد تحسبلها من اليمين والشمال تلاقيها مقفلة ومستحيل تتحق..ولكن ربنا يحققلك ما تريد من حيث لا تحتسب..لازم نتيقن من كده..
الله قادر على كل شئ ..والاسباب دس شئ مش بتاعنا!

الحاجة التانية علشان نستخدم السلاح المعطل ..اللي هو اقوى سلاح في الدنيا ..موجود في ايد كل واحد مننا ..بس للاسف راكنينه على جنب !

الامتحانات كتييييير والمواقف اكتر ..وده لأني بزنق نفسي في المذاكرة في الشهر اللي قبل الامتحانات وده طبعا مينفعش المرة في كلية الطب !

فلو حصل ليا اي ظرف لدنيا بتبوظ خالص والعملية ممكن توصل لمرحلة سيئة جدا لولا ستر ربنا

وده يدفعنا اننا لازم نأكد الاول ان المسلم لازم يبقى متفوق وناجح في اي مكان هو فيه ..ولازم يجتهد وياخد بالاسباب والنتيجة دي حاجة بتاعة ربنا سبحانه وتعالى

المهم..

هبدأ معاكم انهاردة من امتحانات سنة ساتة ..وطبعا طلبة طب يعرفوا يعني ايه سنة ساتة

يعني = نسا وجراحة

ونبدأ مع الجراحة ..

وتحديدا شفوي وعملي الجراحة ..لان ده من المواقف الي مش ممكن انساها ابدا..

طبعا الواحد كان ضاااااااااااااااااااااايع في النظري خااااالص!

المادة فيها 7 كتب كل كتاب اسوأ من اللي قبله والواحد مذاكر مواضيع معينة ومش مذاكرة كويسة كمان ده غير ان الاشعة والعمليات مكنتش فتحتها!

وكان قدامي يومين قبل امتحان الشفوي..راجعت فيهم شوية حاجات بسيطة وشوفت الاشعة وملحتقش اذاكر عمليات خااااااااالص ؟؟قريت كده عمليتين ع السريع من ما بين 50 عملية الواحد المفروض يذاكرهم

وكانت الساعة 3 بالليل وانا قاعد لوحدي وشايل الهم ..

ابسط حاجة الدكتور ممكن يعملها انه ممكن يجمع الدكاتره يفرجهم عليا لاني مش عارف اي حاجة في اي حاجة

والواحد دماغه هتنفجر من التوتر والقلق

قلت مفيش بد من استخدام جميع الاسلحة المتاحة

قمت اتوضيت ..ومسكت المصحف وقعدت اقرا قران لحد ما هديت ..

سبحان الله ..قال تعالى ( وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِلْمُؤْمِنِينَ )

وبعدين قومت وصليت ركعتين جددت فيهم التوبة
ودعيت ربنا باسمه الاعظم واسماءه الحسنى بعد حمد الله والثناء عليه والصلاة على رسول الله صلى الله عليه وسلم

ودعيت بما فتح الله عليا به ..وكررت كتير جدا دعاء ازالة الهموم ..

قال رسول الله صلى الله عليه وسلم:
( ما أصاب أحدا قط هم ولا حزن فقال
اللهم إني عبدك وابن عبدك وابن أمتك ناصيتي بيدك ماض في حكمك عدل قضاؤك أسألك بكل اسم هو لك سميت به نفسك أو أنزلته في كتابك أو علمته أحدا من خلقك أو استأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي
إلا أذهب الله عز وجل همه وأبدله مكان حزنه فرحا
قالوا يا رسول الله ينبغي لنا أن نتعلم هؤلاء الكلمات قال أجل ينبغي لمن سمعهن أن يتعلمهن )

يا دوب على ما خلصت القيام والوتر كان الفجر أذن..

نزلت صليت ودعيت بين الاذان والاقامة ..والرسول بيقول ( الدعاء لا يرد بين الأذان والإقامة )

بعد ما خلصت الصلاة لقيت نفسي في هدوء وراحة نفسية رهييييييييبة بعد ما كنت هتجنن من التوتر والقلق .. سبحان الله ..

قعدت ركزت على عملية واحدة من كتاب العمليات وذاكرتها كويس اوي ..

ونزلت الامتحان..

للناس اللي متعرفش ..امتحان الشفوي والعملي في كليات الطب بتبقى متقسمة مجموعات وكل مجموعة طلبة عند دكتور معين..

كلنا كنا قاعدين في اوضة وكل شوية وحد من زمايلنا يدخل لدكتور ويرجع وشه غير الوش الي دخل بيه..الدكتور عصره عصرة محتركة وسأله في المنهج رايح جاي لحد ما الطالب كان هيعيط

وكذلك معظم زميلنا..لان اغلب الدكاتره بيبقوا متعقدين من الطلبة لانهم مش بيحضروا محاظراتهم وبيظبطوهم يعني..

طبعا انا قولت انا كده اخدت صفر ..ومش صفر عادي ..صفر كبير كمان!

وانا اصلا مش هستحمل ان حد يهزأني..فقولت في نفسي لو الدكتور قالي اي حاجة هقوله كفاية كده يا دكتور وانا مش مذاكر وامشي بكرامتي مكن غير تهزيق!

ولكن كرم ربنا فوق ما نتصور..

دخلت للدكتور .. قالي : يابني تحب تتسأل في ايه؟؟

طبعا انا لو قلتله عايز اتسال في كذا هيقوم يسأل في حاجة حجة تانيه وما يسألش في في الحاجة دي..خدعة يعني

قولت في نفسي انا كده كده مش مذاكر ..مش فارقة..قولتله مذاكر عملية كذا يا دكتور اللي هي العملية الوحدية اللي انا مذاكرها..

قاللي طيب قول اللي تعرفه عنها..وقام سألني فيها وبفضل الله جاوبت معاه..واداني 48 من 50 ودى درجة هو بيديها اوئل الدفعة اصلا!

خرجت من العمليات ودخلت على الشفوي ..مطحنة
منهج كامل متوقع انك تتسأل فيه في اي حتة وانت مش مذاكر!

لقيت لدكتور مطلعلي اشعة وبيسألني فيها..وكانت اشعة سهلة والدكتور نفسه كان كويس ومتعاون..ومتسألتش غير اشعة ومسألنيش في اي حاجة في المنهج اطلاقا واداني برده 48 تقريبا!

في حين ان زمايلي اللي مذاكرين فيهم ناس انطحنوا وخدوا درجات وحشة جدا ده غير التهزيق

وعدى الشفوي على خير وخير كبيييييييير كمان..

---

نيجي للعملي..

كان فيه يوم واحد بين امتحان الشفوي والعملي علشان اذاكر فيه

وكانت اصلا اول مرة فتح فيها كتاب العملي..كتاب 300 صفحة ..محتاج اسبوع على الاقل علشان الواحد يذاكره!

قولت انا هذاكر على قد ما اقدر واللي يحصل يحصل..!

ذاكرت بالنهار حالة عملي طويلة بالعافية من 9 حالات عملي لونج المفروض يتذاكروا ..

وجيت بالليل قريت حالتين شورت صغيرين برده بالعافية والساعة بقت 3 الصبح ..

بصيت في الساعة من هنا ودمغي بقت هتنفجر من هنا ..انا كده ضعت!

هخش الامتحان اعمل ايه !!دول 3 لجان حالات !! هعمل فيهم ايه ؟!!

لا مذاكر نظري ولا هعرف اعمل كشف على الحالات ..وانا اصلا معرض ان ميجيش ولا حالة من ال3 حالات اللي ذاكرتهم دول

قولت مليش غير ربنا..محدش هينجيني غير ربنا ..

( أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونَ )

بس جيت قولت في نفسي ..يعني هو ممكن ال3 حالات اللي ذاكرتهم هما ال3 حالات اللي امتحن عليهم ..دي تبقى معجزة..
وحتى لو دخلت على الحالات اللي انا مذاكرها..الله اعلم انا هجاوب ولا لأ لاني اصلا مش مذاكر كويس وكمان الدكتور اللي هيمتحني عليهم ممكن يكون دكتور من اياهم ومش هجاوب معاه حاجة خالص

بس قمت وصليت زي المرة اللي فاتت ودعيت وانا كلي يقين ان ربنا هييسر لي ..ازاي معرفش!

صليت الفجر وقعدت اراجع على ال3 حالات اليتامى اللي انا ذاكرتهم

وبفضل الله برده كنت مستريح وهادي زي المرة اللي فاتت بفضل ادعية تفريج الهم..

روحت الامتحان..وانا لسه نازل من العربية وداخل على الامتحان..لقيت واحد صاحبي بيتصل بيا ..قاللي انا كلم واحد قربيه نايب في القسم وهو هيخدك يدخلك على الحالات اللي انت عايزها!

قلت سبحان الله..طلعلي منين ده!!!

ده انا اصلا لا كلمته ولا طلبت منه حاجة ! سبحان الكريم

كده امر الحالات هيعدي ..
هعمل ايه بقى في الدكاترة اللي هتسألني؟؟
سيبها على الله..

دخلت اللجنة والراجل قريب صاحبي دخلني على الحالة اللونج اللي كنت مذاكرها وكمان حالة شورت من اللي كنت مذاكرهم برده

ولسه طالع من للجنة ..لقيت دكتور كبير (بيأنجچني) من ايدي وبيقولي تعالى اما اسالك..!!

طبعا انا اتخصيت ..هو ايه اللي بيحصل ده ؟!

قولتله يا دكتور انا لسه مخلصتش ..

قاللي تعالى بس ده انا هروقك..

قولت امري لله..ودخلت معاه المكتب..

قللي انت شكلك محترم..قولتله ده بس من ذوقك يا دكتور

(وقولت في سري طالما قال كده يبقى أبشر..الدكتور بيثبتني )

وقام سألني سؤالين اتنين سهلين جدااااااا بدون اي فحص عملي ولا اي حاجة..واداني الدرجة النهائية

قاللي حالتك التانية ايه؟؟

قولتله لسه مدخلتش على الحالة الشورت التانية!

قاللي اعتبر نفسك دخلت ..
كنت عايز تدخل على حالة ايه؟؟

قولتله حالة كذا للي انا مذاكرها..

قاللي : طيب قوللي كذا..وقام سالني سؤالين اتنين برده سهلين وقاللي قوم يلا ..زي الفل..

خبصت كده حالتين..واتبقالي الحالة اللونج..

جه نصيبي مع دكتور من الدكاترة اياهم ..

بس سبحان ربي مسبب الاسباب..جيت اعمل فحص على العيان لقينا العيان ممدد على السرير ونايم..

الدكتور قالي خلاص مش هنصحيه
وقام سالني سؤالين جاوبتهم وخلصت اللجنة..

يا اخواني..انا لو واحد قاللي انت عايز امتحانك يمشي ازاي مكنتش هقوله انه يمشي بالمنظر ده..

مدخلش لجنة اصلا واخد فيها النهاية وبقيت اللجنان دكتور روش يديني النهاية وعيان نايم ممتحنش عليه حالة لونج كاملة ..ممدش ايدي على ولا حالة..دي حاجة ولا في الاحلام..انا مش مصدق نفسي..

بس صدقوا..

ربنا يبقول في الحديث القدسي :
( يا عبادي لو أن أولكم وآخركم وإنسكم وجنكم قاموا في صعيد واحد فسألوني فأعطيت كل إنسان مسألته ما نقص ذلك مما عندي إلا كما ينقص المخيط إذا أدخل البحر )

يعني اطلب اللي انت عايزه..
لو مش هتطلب من ربك..امال هتطلب من مين ؟؟؟

ومعلش طولت عليكم اوووي ..

والى لقاء اخر ان شاء الله..