[عزة عثمان]

ازيكم اخواتى فى الله يارب تكونوا كلكم بخير


طبعا احنا بنجيب اللبن و نغليه الاول و لما يبرد بنشيله فى التلاجة و بعدين نشيل الوش بتاعه
اللى هى القشطة و نشيلها فى علبه فى الفريزر و نكرر العملية دى لحد ما نجمع شوية قشطة
حلوين
انا من فترة طويلة كنت منزله موضوع عن عمل السمن الفلاحى فى البيت انك بتحطى القشطة
على نار هادية و تقلبى لحد ما ميتها تروح و تفضل السمن مع المرته و طبعا الموضوع ده كان
بياخد وقت طويل على النار

لكنى اكتشفت طريقة جديدة و سهله الا و هى انك تسوى القشطة بتاعتك فييييييييين
فى فرن البوتجااااااااااااز ....طبعا استغربتم
البدايه كانت انى كنت بعمل عيش فينو و كان عندى شويه قشطة صغيرين فقولت اما احطهم
فى طاسة صغيرة و احطهم فى الفرن مع العيش و بصراحة بعد شويه فتحت الفرن لقيت
السمن خاااااالص بدون بوجود اى ميه ووجود قشرة حمرا و تحتها زى الجبنة( و ده لانى
مقلبتهاش )
المهم انا جربت احط كميه كبيرة من القشطة فى صنيه فى الفرن على نار فوق المتوسطة
او عالية بس تخلى بالك
يعنى كل فترة و التانية تبصى عليها و تقلبيها و الصور هتبين بالنفصيل
**انا كان عندى قشطة بقرى على جاموسى عشان كدا لونها مش اصفر قوى
** انا هنا مضربتهاش بمضرب و لا حاجة انا حطيتها كلها كده و تخلص ميتها بنفسها
فى الفرن (بصراحة ايدى بتوجعنى و مش بقدر اضغط على الحاجة )و مضرب البيض
مش يعمل حاجة و لا بينزل الشرش يا دوب تتخن القشطة بس

**فى ناس بتحب تضربها الاول بمضرب السلك او المعلقة و تطلع منها الميه الزيادة
و ده هيوفر وقت اكيد فى تسويتها

** انا هنا حطيتها فى صنيه مع رشة ملح فى الفرن و بقيت ابص عليها كل 5 دقايق فى الاول و اقلب





** شوفوا هنا فى الاول بعد خمس دقايق كانت الميه لسه موجودة





و بعدها بشويه بقت كدا








و بعدين كدا الميه ابتدت تقل خالص و تظهر السمنة




و هنا المرته بقت لوحدها و السمنة لوحدها و هنصفيها بالمصفة عشان نفصلهم عن بعض




و هنا المرته ( الله عليها بالعيش او ممكن تحطى عليها جبنه قريش او تعمليها مع البيض
المقلى يا سلاااااااااااااام هههههههههه )

و الحاجة الحلوة قوى فى الكلام ده ان قعر الصنيه نضيف زى الفل يعنى مفيش حاجة لزقت فيه
يا دوبك بس جوانب الصنيه بسييييييييط جداااااااااا زى ما انتم شايفين



و هنا السمنة هنعبيها فى برطمان و نسيبها لما تبرد و نغطيها










منقوووووووووووووووووووول