اقتباس:
المشاركة الأصلية كتبت بواسطة جرجس جورج
لأأأأأأأ
يا مستر فى حاجات اتنسيت
زى شهداء الحدود اللى بسبب المجاملة
وشهداء الاتحاديه
وضرب ابو حامد والحريرى
ورجع فى كلامه يجى ميت مره
والراجل دا اعظم واحد عمل انقسمات فى الشعب
اخوانى و سلفى والمسلمين المعتدلين واللبيرالين والاقباط
لدرجة اننا لما بنروح ننتخب ويكون رأينا عكس الاخوان بنخاف نقول احنا هنرشح مين او هنوافق ولا لأ
|
أستاذ جورج مع احترامي لحضرتك
ولكن الرئيس مش نبي عشان لا يخطئ
بالنسبة للقتلي اللي ماتوا سواء عند الحدود او الاتحادية(ونحسبهم عندالله شهداء)
مينفعش اننا نحكم عليه نقول هو المسئول عن قتلهم!!
والله هو مقالش للناس سواء المؤيدين ليه او المعارضين
انهم يطلعوا يتظاهروا أو يؤيدوه..ويطلعوا يقتلوا في بعض
اما بالنسبة لضرب أبو حامد أو غيره فمش من المنطق أبدا ان لو حد سواء من جماعة الاخوان
او المؤيدين للرئيس عمل فعل زي ده..معني كده
اننا نقول برده انه الرئيس هو السبب!!
وبالنسبة للانقسامات فمعلش دي ليها كلام يطول شرحه
ولكن بالمختصر أي رئيس هيبقي ليه مؤيدين وليه معارضين
ولكن للأسف الشديد احنا معندناش في مصر الاسلوب اللائق للمعارضة والحوار
كله اللي مش عاجبه حاجة يطلع ويشتم ويقول ناخد حقنا بايدنا وكلام لا يصح ان يقال
وأذكرك أستاذ جورج ان الرئيس ده مش نبي عشان ميخطئش..
ولكن هو لسة في بداية حكمه
احنا نقدر نحكم عليه بعد 4 سنين من توليه الرئاسة
وشكرا...