طبعا واحشنى جميعا كل الاخوة والاخوات فمنتدانا الكبير
وبإذن الله يكون الكل بخير
رصـــــــــــــــــاصة
كانت رصاصة غدر
وخرجت فعز النور
قتلت صبى كان بدر
بيلعب ويلف يدور
خرجت رصاصة غادر
على دبح طفل قادر
وهو بيبكى وبيحافر
نفسه يهرب مالموت
قتلت رقة وبراءة
وعيون مليانه جراءه
للدنيا كده مشتاقة
ومات ومن غير صوت
مترد عليا يا عربى
وقولى ازاى ده يكون
ابنى يموت هنا جمبى
ودى حاجه عليك بتهون
دبحولى كرامتى وقلبى
وانت لينا ما بتصون
لما طفل بيحبى
يموت بايدين مجنون
يبقا احسنلك يا عربى
تخرج احسن مالكون
احسن متعيش متهان
من كافر خنزير
داس على كل مكان
وخده منك وانت ضرير
حبسك جوة دارك
وصبحت فيها اسير
ليه تعيش فوطنك عبد
والخاين يبقا امير
يا عربى متسأل نفسك
مين امه الاسلام
جاوب ورد على نفسك
وعيش فالدنيا امام
ميجيش يذل كرامتك
واحد طول عمرة جبان
ولو رضيت على نفسك
تبقا انت مش انسان
يا جيوش صلاح الدين
يا كرامته وعزة نفسه
متعودى ولو يومين
خلى عربنا يحسوا
ويرجعوا يوم حطين
ومالخاينين يقتصوا
يعرفوا اخرتهم فين
اللى لترابنا يمسوا