طب انت ليه بتقول معهد او كلية ملهاش لازمة
وليه دايما بنقتصر النجاح علي كليات القمة او الكليات اللي تندرج تحتها علطول!!
أخ خالد أنا سبق قبل كده واتكلمت هنا مع ناس كانوا فاقدين الثقة كده
بسبب المجموع والكليات وكنت بقولهم نفس الكلام
الكلية هي بداية خطواتك للنجاح مش مجموعك في الثانوية العامة
لان انت ممكن تدخل كلية عالية ومتنجحش وتفشل
طب يبقي ايه دلوقتي لازمتها ما دامت منفعتش فيها..
والله والله أنا اعرف ناس شخصيا مش هقولك كانوا في ثانوية عامة..
لا دول من دبلوم والان دكاترة ومهندسين
وأعرف كمان اللي دكاترة في كلية خدمة اجتماعية..بالرغم من كتير بيستقلوا الكلية ويقولوا انها ملهاش لازمة!!
يعني اللي عاوزة أوصلهولك متقولش كلية ملهاش لازمة وانك تستقل بيها
انت لازم تبقي داخل الكلية وانت مصمم في نفسك وعندك عزيمة وارادة
وتقول انا لااااااااااااازم أثبت ذاتي وكياني في المجتمع..
أما بقي بالنسبة للمرض فدي حاجة من عند ربنا
والمفروض اننا منستسلمش للمرض ونقول خلاص كده الحياة انتهت
انت مسمعتش قبل كده عن المعوقين اللي خدوا بطولات في جميع المجالات!!
أو المكفوفين اللي بيطلعوا من الاوائل ع الجمهورية!!
وبالعكس الانسان لازم يصبر ويحمد ربنا علي كل شئ
ويحتسب أجره عند الله وتذكر بأن الله لا يضيع أجر من أحسن عملا