[نحلة المنتدى]

طيب انا هبدأ
موقف غريب حصلى
كنت مع اختى وخطيبها وركبنا تاكسى
قعدنا لقينا صاحب التاكسى كان بيعيط
قعد يتكلم مع خطيب اختى ويقوله
الدكاتره مبقوش عندهم قلب
ابنى روحت بيه للدكتور قالى انه عنده انسداد
وابنه بيصرخ من كتر الالم كل يوم
الدكتور قاله لازم عمليه وهتتكلف الف
قاله يا دكتور انا معيش غير 800
قاله بقولك ايه ده الى عندى انت مش جى تقسط غساله
راح صاحب لتاكسى لكتير من الدكاتره وقالوله نفس الكلام
ومش عارفه يعمل ايه
كان بيعيط قدامنا
وانا نفسى عيطت عشانه
من صغيرى لحد اما كبرت كنت عارفه ان الفلوس مش كل حاجه
واتاكدت اكتر من الموقف ده ان الفلوس مش كل حاجه ولا حاجه
الورق الى بيتحكم ف الناس
زى اما يكون زرار بندوس عليه وبنحرك بيه الناس
فلوس ايه الى تعمل ف راجل كده
تخليه يشوف ابنه بيموت ومش عارفه يعمله حاجه بسببها
ياريت يا جمااعه
محدش يقول ان الفلوس بتعمل الناس
اه ممكن تبنى مجتمع
لكن متبنيش اسره
تساعد فققققط
لكن الفلوس مش الاخلاق ولا المبادئ
لازم نحط الفلوس ديه تحت رجلينا