[نحلة المنتدى]

الموقف الى عاوزه اعرضه عليكم هو موقف غريب جدا كنت عاوزه اعرف تفسيره ايه هو بقاله مده اكتر من تلتش هور تقريبا
كنت ف المترو محطه روض الفرج
وانا نازله ع السلم واحد قالى لو سمحتى كنت عاوزه اطلع عند ارزاق (اسم محل)
الاول استغربت لان المحل قريب جدا من المترو يعنى ممكن الواحد يشوفه وهو عند المترو
قولتله حضرتك تطلع من هنا وتعدى الشارع هتلقيه قدامك
قالى شكرا وانا نازله قالى هو مفيش طيب مخرج يطلعنى ع طول الناحيه التانيه قولتله والله ده الى اعرفه
نزلت ع السلم الى عند البوابه عشان اروح اقطع تذكره قالى هو مفيش حد اساله هنا
قولتله حضرتك تقدر تسال ال security الامن كنت عاوزه اقوله الى ممكن اندهلوهم يبهدلوك بس قولت جوايا معلش انتى برده بتعملى معروف هو مغلطش لحد دلوقتى المهم وانا رايحه اقطع التذكره لقيته بيقولى انا احمد عايش بره مصر ومهندس بصتله من فوق لتحت ومشيت
تخيلوا كده لما حد يقف قدامكم ويقولكم كده كانه يعرفكموكمان المصيبه وبيقولى بكل برووود انتى اسمك ايه وفى سنه كام
عملت كده بالظبط
جبت التذكره وانا راجعه وبحط التذكره ف المكنه لقيته بيتكلم بصوت عالى وبيقولى عاوزه حاجه طيب
ونزلت ع السلم الكهربى ومضيقه جداا ومخنوقه
بركب المترو ولقيت الموبيل بتاعى منور وحد بعتلى صوره ع البيلوتوث
لانى ديما ببقى فاتحه البيلوتوث ومش بقفله خالص
المهم ببص فى الاسم الى بعتلى البيلوتوث
لقيته احمد وبعدين لقيت الارسال انقطع يعنى باه الى متسجل عندى بس اسم البيلوتوث ده الطبيعى طبعا
طبعا انتوا هتسالوا طيب هيستفاد ايه من كده
اقولكم
لانى لقيت اسم البيلوتوث بتاعه جمبه رقم تليفونه!!!!

سؤالى هنا معقول المعاكسات تتطورت للمرحله ديه
انا ياما ناس كتير سالتنى عن عنوان وكنت برد عادى ولاول مره يحصل معايا ده وبالطريقه ديه
ولا انا الى عبيطه مش ممكن!!!
المشكله هنا باه الانسان بيبان من شكله بمعنى انك بتعرفى الانسان ده ناوى يعاكس ولا لا
شكله كالاتى:
لابس قميص وبنطلون جينز
وشايل شنطه تقريبا لاب توب
وحاطط نضاره عند جبينه شكله محترم

انتوا ايه رايكم والواحد يعرف منين ان الانسان ده عاوز يسال ع حاجه ولا بيعاكس
ولا الواحد المفروض يعمل نفسه مش سامع ان فيه واحد عاوز يساله ع حاجه ويمشى
مع العلم انى انا الوحيده الى كنت نازله ع السلم وعشان كده رديت عليه
لان مكنش فيه حد غيرى يساله
ده الى كنت فكراه