دكتور عصام العريان نائب رئيس حزب الحرية والعدالة وعضو مجلس الشورى لبرنامج " بلدنا " مع ريم ماجد حول تصريحاته الاخيرة ودعوته لليهود المصريين بفلسطين للعودة لمصر :
دكتور عصام العريان : انا دعوتي لليهود المصريين اللى تم طردهم وتأميم ممتلكاتهم ايام عبد الناصر لان ارض فلسطين ملك للفلسطنيين وحدهم مش ملك لاي ***ية أخرى
ريم ماجد : اليهود اللى حضرتك اتكلمت عنهم واطردو ايام عبد الناصر دول زمانهم ماتو يا فندم واللى هيجيو لو جم هما ناس اتولدت وعاشت واتربت واتجوزت ودخلت الجيش الاسرائيلي ومحتمل حاربت كمان وبيحملو المشروع الصهيوني ومؤمنين بيه !
دكتور عصام العريان : مفيش حاجة اسمها مشروع صهيوني المشروع دة هينتهي فى ظرف عشر سنين وعلشان ينتهي لازم كل اليهود اللى خرجو من بلادهم ومنها مصر يرجعولها تاني وانا قولت هما ليهم حرية الاختيار يرجعو مصر او يرجعو اي بلد اخر انما مصر فاتحة ذراعيها لكل اولادها بإختلاف عقائدهم
ريم ماجد : طب دي مصلحة فلسطين ..ان اليهود يمشو منها ..ايه مصلحة مصر يا فندم ان الناس دي تيجي تعيش فيها ؟
عصام العريان : مصلحتها ان دول مصريين واحنا فى الجمهورية التانية ولازم كل المصريين يعيشو ويتعايشو ..وزي ما كان فيه ناس بتقول سينا هتتباع للفلسطنين انا بقولهم لاء سينا بتاعت مصر ..وفلسطين بتاعت فلسطين مش اي ***ية تانية
ريم ماجد : يا فندم هو احنا عارفين نعمل حقوق مواطنة لناس عايشة فى البلد هنا منذ بدء الخليقة لما هنبعت نجيب ناس من برة ؟ هو حضرتك مسمعتش عن تحريم تهئنة الاقباط ؟
دكتور عصام العريان ضاحكا : لا تهنئة الاقباط مش حرام وكل سنة وهما طيبين وان شاء الله الدولة المصرية بتكفل حقوق المساواة لكل المصريين على اختلاف عقائدهم انتى بتتكلمي عن مصر بعد الثورة
|