[lolo nice]

السلام عليكم و رحمة الله و بركاته

أنا الصراحة حبيت اعمل موضوع جديد لانى فعلا اتخنقت من السياسة جدا و اللى بيقولوه عن الاخوان و السلفيين .. و لما يجي واحد زى عمرو أديب و يتكلم عن الدكتور حازم صلاح أبو اسماعيل و الرئيس محمد مرسي كمان و اللى بيعصبنى اكتر ان حتى الناس اللى مش فاهمة أى حاجة بتتكلم و خلاص مبقاش فى موقف الا لما تدخل فيه سياسة و حتى وصلت للدروس كمان بين الطلاب و بين الطالب و المدرس ياااا عيني و فى نص الدرس لما المدرس يستهزأ على ناس محترمة و متستحقش كل الظلم و الاهانات دى ..أنا بفقد تركيزي تماما و طبعا بتجيلي جلطة و يقوم طالب مش فاهم اى حاجة يرد على المستر و يقوله متزعلش نفسك يا مستر دا الاخوان دول خرفان .... هنا بقى كنت هقوم أرد على الولد ده و اللى فاكر نفسه فاهم اووى و بيقول على الناس خرفان و لو هما خرفان تبقى انا ايه ؟؟ صرصار طبعا ... و كل اللى بيعمله يسمع من واحد لا يفقه اى شئ فى الدين و لايعرف مدى المعاناةو الظلم اللى الناس عايشاها و يردد الكلام عشان يلفت الانتباه.... و مراته تطلع تقول انا مبخفش هى فاكرة نفسها ايه دى كماااااان .....دا غير أنى كنت هرد على المستر كمان مع انى دايما محترماه بس مقدرتش أرد قدام الطلاب طبعا !!! انا نفسي أفهم ؟؟؟؟ حد يرد عليا ؟!!!!! هى الدنيا ليه بقت بتمشي بالعكس ؟ليه الصح بقى الخطأ و الخطأ بقى الصح؟ ليه الناس بقت عامية ؟ ليه الناس مش عايزة تفهم ؟؟؟

{وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ (42) مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ (43)}

{قَدْ مَكَرَ الَّذِينَ مِنْ قَبْلِهِمْ فَأَتَى اللَّهُ بُنْيَانَهُمْ مِنَ الْقَوَاعِدِ فَخَرَّ عَلَيْهِمُ السَّقْفُ مِنْ فَوْقِهِمْ وَأَتَاهُمُ الْعَذَابُ مِنْ حَيْثُ لَا يَشْعُرُونَ (26)} النحل

الموضوع للنقاش .