[Yes We Can]

المشاركة الأصلية كتبت بواسطة optimistic !

أكيد إحنا فى حياتنا بنتعامل مع أصناف كتيره جدا من البشر ... وكل شخصيه بنعاملها ليها صفاتها وأسلوبها

عندنا واحد بيحب الهذار فبتعامل معاه إنى بهذر معاه وبنقعد نضحك وكده

عندنا واحد مثلا عصبى بيضايق بسرعه فأكيد بيبقى فيه حساب شويه فى كلامنا معاه ونحاول نتجنب المواقف اللى ممكن تضايقه وتعصبه

عندنا واحد مثلا كلامه قليل وده أكيد بنحاول نختصر جدا معاه فى الكلام أو نتكلم معاه فى حدود الضروريات

عندنا واحد مثلا مش بيفهم فى الهذار فده أكيد بنحاول نقلل فى الهذار معاه فده لإن ممكن لما نهذر معاه يزعل لإنه مش فاهم إن كلامك ممكن يكون هذار

عندنا واحد مثلا بنحبه جدا وبنخاف على زعله وده لما نحس بس إنه إضايق نجرى نصالحه عشان ميزعلش وممكن منعملش كده مع ناس تانيه كتير

والسؤال هنا : هل إختلاف تعاملاتنا مع الشخصيات المختلفه يعد تناقضا ؟



[/color][/color]

مش بيكـون تناقض اوى
بس فيـه حكمه بتقول
" لا يعــالج الطبيب جميع المرضى .. بعلاج واحـد "
بمعنـى : ان الناس شخصيات مختلفـه
و كل شخصيه و ليها مفتاح
و كل انسان اكيد بنحبـه و بنتعامل معاه عشان صفه مش موجوده فـ غيره
بنتعامل مع انسان طيب .. يبقى نحب منزعلوش عشان خساره نخسره
نتعامل مع انسان متفائل .. بنحب نستفاد منه و نتعلم منه
بنتعامل مع انسان متدين .. عشان نتعلم منه اساس الدين
و هكذا بتكون تعاملاتنـا مع الناس
بنعاملهم كل واحـد بالطريقه اللى تعجبـه عشان موجود فيه صفه مش فـ غيره
و لـو احنا بناقض نفسنـا يبقى بعد مايمشى الشخص ده نتكلم عليه وحش
" صوابعكـ مش زى بعضهـا "
الانسـان فـ تغير مستمـر فـ طباعه و شخصيته و مظهره ايضـا
ممكن نتعامل مع شخص دلوقتـى تعامل جارح
و بعـد كده نعرف انه انسان محترم جدا و يستاهل التقدير و الاحترام
لكن طريقه تعاملنـا معاه غلط
العيب بيكون مننا احنا .. مش منه هو
اما الناس المصتنعـه .. هى بتكون تناقض فعلا
تضحك ف وش واحد و بعد مايمشى يقول عليه اسوء كـلام
هو ده بيكون " تركيب الوشوش "

توبيكـ جميل جـدا يا خالوووووود ,