[مـــــلك]

انا عمري يجي كام سنه
قصدك انا؟؟؟!!!
انا جوه منك من زمان
عمري الطبيعي محستوش
لكن اللي شوفته بإختيارك
خلاني اكبر ميت سنه
عجبك انا
حبة آلام ووجع آهات
حيره وسكات
وحب مات
وحب نازف من سنين
غرق بقوه طعم الحنين
وندم وهم
وقلق وغم
ومرض وشكوى من الألم
وبتضحكي وبتسأليني
عمري كام
عمري اتسرق
وانتي السبب
انا كنت فيكي
وجوه منك طفل
طفل حبك وشاريكي
كنت أضحك مالسعاده اللي فعنيكي
واختارتي انك ترمي بيا في قصه خايبه
قصه كانت مالبدايه
نهايتها جايه
كنت قاصده تجرحني
والا قاصده تفرحيني
وجايه تاني بتسأليني
لا ياعيني
السؤال يبقا مني
ايوه ليكي
انتِ عيشتي كام سنه
لما أنا ميت بقالي كام سنه
جواكي انا