[ابونرمين]

المشاركة الأصلية كتبت بواسطة hamada elmasre

اذا وجدت نفسي كفء لهذا المنصب و استطيع خدمة بلدي خدمة سليمة دون علل او خلل اوافق طبعا
وغالبا وزارة التعليم !! لان انا طالب وعارف المشاكل التي تواجه التعليم وشفت حال التعليم في مصر وبرة مصر و ازاي وصل لكدة وزي ما قولت قبل كدة العلم أساس النهضة
الخطوات : طبعا دا يبدأ اول حاجة من الاسرة والمجتمع ولازم كله يشارك وهعرض المشكلة والحل
اول حاجة اشلمشكلة هي ليه الطالب بيكره المدرسة او بمعنى تاني بيكره القراءة في الكتب ؟؟؟ الا قليل لما نلاقي حد اشترى كتاب يقراه من المكتبة؟؟؟
2- ليه لطالب بيهرب من المدرسة ؟؟
3- ليه الطالب لو حضر في المدرسة بيكون عشان الغياب بس يعني ممكن بعد الغياب يمشي وميحضرش الحصص ؟؟
الطالب هو أساس المنظومة التعليمية ولابد باصلاح حال المعلم والمتعلم والكتب والمناهج والادارة المدرسية التي هي لاساس التاني
4-ليه الطالب بيلجأ للدروس الخصوصي؟
5- ليه الطالب بيدور على الكتب الخارجية وبيهمل كتاب المدرسة ؟

بعض المقترحات :
1-تعديل الكتب لتفتح نفس القارئ وتجعله محبا للقراءة والاطلاع
2-توزيع مع كل كتاب cd بعائد ربح رمزي يساعد في الميزانية و يكون في متناول الطالب يعني الوزارة هتدعم ميزانيتها بالطريقة دي

3-مش هينفع حاليا اضافة معدات وتجهيزات ووسائل عشان الميزانية بس هحاول اعمل اللي اقدر اعمله واصلاحات المباني او زيادة مرتبات .....
4-عمل المسابقات بين المدارس ولطلاب التي تشجع على المذاكرة وبجوائز رمزية
5- اكتشاف قدرات ومواهب الطالب
6- تغيير طريقة التدريس بحيث تكون مش عشان الطالب يذاكر عشان الامتحان وبعدها ينساه
7-تقنين المراكز والدروس الخصوصية تدريجي التي تجعل الطالب يفر من المدرسة لان "اللي هيتشرحله في المدرسة هيتشرحله برة كدة كدة فيروح المدرسة ليه"
8- التأكيد على ان المقصر لا مكان له يعني لو مدرس قصر في واجبه ملوش مكان عندنا
9- اصدار قوانين تحد من سلوك لطالب البذئ يعني ازاي اخلي واحد محترم مع واحد بذئ ؟؟ وعارفين كلنا اللي بيشتمو المدرسين والطلبة و بيوصل لدرجة استخدام اليد وتكسر عربياتهم دا لو فيه عقاب ردعه محدش هيفكر يعمل كدة
10- استغلال وقت الطالب بما هو مفيد يعني المدرسة بدل ما تكون 8 ساعات ومشتتة تبقى اقل وبنظرية اشتغل طول الاسبوع بجد واجتهاد و في الاجازة خد راحتك الكاملة مش هفرض حاجة عليك بدل لتشتيت د

دا اللي حاضرني حاليا وان شاء الله اكمل

بالنسبة للاعلام :
لازم اكون من فترة لفترة على الاعلام حتى اطلع الشعب على اني انجزت كذا وكذا واخطأت في كذا وكذا والاعلام مراية لي يعني هو اللي بيقول انا صح ولا غلط
بالنسبة لو قالو ارحل
انا هقدم استقالتي فورا لان دا معناه اني مقدرتش انفذ وقصرت في حق نفسي قبل حق الناس والناس هي اللي بتقيم مش انا
وقبل مايوقولو ارحل هكون حسيت اني ماشي غلط ومش كفء وقصرت ولا مكان للتقصير فلازم امشي

اما لو مشيت فبردو هحاول من برة المنصب اني اعمل الصح لمصر بالمساعدة والعمل المجتمعي ..

الشكر لك..وواضح فى ردكم النضج والوعى وإيجاد الحلول،والإيجابية وذكر الصواب والخطأ،دلالة كبيرة على التقييم الذاتى الناضج....هنيئا لنا بوزير المستقبل الواعد الاستاذ/حماده المصرى المحترم