السلام عليكم
علي مدار 30 سنة و حسني مبارك كان فاكر ان اللي هايمشيه من الرئاسة هما الاخوان والسلفييين عشان كده فضل مضطهدهم و مطلع عينهم و ف الاخر مشي علي ايد شباب مثقف و واعي و زي الفل و افتخر اني من جيل الشباب ده
و اعتقد ان الاخوان النهارده بينتهجوا نفس سياسة مبارك فاكرين ان الاعلام هو اللي هايمشيهم و لكن اللي هليمشيهم الشباب برضه
اللي أنا عايز اقوله ان الاعلاميين اللي الاخوان مسمينهم فلول مش مولودين بيكرهوا الاخوان لا فيه منهم كان متعاطف مع الاخوان انما لما عارضهم لمجرد النقد البناء و لمصلحة البلد بدأوا يضربوا الأسافين ويشوهوا صورته قدام الشعب اللي بقي واعي دلوقتي و عارف كل حاجة و مش مستني لا الاعلاميين و لا الشيوخ يفهموه
عايزين الاعلاميين يقولوا برافو لرئيس ما بيحكمش غير بناء علي اللي بيجيله من المقطم و الباقي ركنه علي جنب
عايزين الاعلاميين يقولوا برافو لرئيس ما بيتكلمش كرئيس أكبر دولة ف الشرق الأوسط لا ده بيتكلم زي رئيس نادي
عايزين الاعلاميين يقولوا برافو لرئيس مش راضي يتعظ من اللي قبله و ماشي بنفس سياسته الخطب الرنانة اللي بتنزل علي مفيش و الكلام الوهمي و متبع سياسة الاقصاء والاستبعاد وصوته من دماغ جماعته
مش بنقول يخلي الاقتصاد بتاعنا زي الصين ولا يخلينا دولة متقدمة زي اليابان بس يبدا يحط الاساس اللي نمشي عليه ف طريقنا للنهضة
مش الاقتصاد واقع ، الحكومة فاشلة و مصمم عليها ، قرارات لمصلحة الجماعة ، انقسامات ف البلد هو سبب رئيسي فيها
المفروض لما ننتخب رئيس تبدا العجلة تدور مش نرجع لورا
ما حدش يقولي ان احنا بعد ثورة فالاقتصاد بتاعنا واقع ممكن حضرتك تقولي بعد خمس شهور او ستة ايه البرنامج اللي ماشية عليه الحكومة لحل مشكلة الاقتصاد ؟
أقولك انا الودائع و القروض و فرض الضرائب انما أي برنامج تنموي لا
|