الشاعرة ( نور عبدالله )
بنت من ولاد البلد اللى ملات بهتافها الميدان
قالوا هاتوها تشتغل فى قناتنا واعطوها الأمان
وعند أول اعتراض لهاعلى تحصين قرارات السلطان
اختفى الإنسان بوجهه الباسم وظهر الشرس الغضبان
وظهرالخداع والنفاق أمام عيونها أطنان فوقيها أطنان
وماقالت غير تعبيرها المؤثر والمعبر (أمَّا صحيح إخوان )
وانت ياابن بلدى إمتى هتصدق إن دول ملهمشى أمان
عايز تصبر عليهم أصبر بس من غير ماتلوم ع الثائر الغضبان
أنا عارف إنك مش هتصدق غير لما تشوف الحكم فى بلدنا
صورة من الحكم فى طهران
ولاجل الوصول لهدفهم انتظر منهم طوفان ورا طوفان
أصل الحكاية بالنسبة لهم فرصة زى ماقال أخوهم العريان
باقى إيه فى البلد متماسك باقى إيه لم يصله الطغيان ؟
كله اتحاصر كله اتفكك كله اتقطع كله اتجنب
وراح الأمل وضاع الكيان
لامطلوب تهد ولاتكسر زى ماعملوا -المطلوب تقول (لأ)
مش هنسمح لفرعون جديد حتى لوكان حامل للقرأن
دعوة لكل مصرى حر من السلوم لرفح للنوبة فى أسوان
مصر مش هتسامحك مهما تندم وتقول ياريت اللى جرى ماكان
ربنا يتولانا برحمته
__________________
الحمد لله
|