[Mr: E.Elshair]

فى بلدى بس
بأصحى وأنام على الوجع
فى بلدى بس
كل اللى فيها بيتخدع
فيه ناس تموت م الضنا
وناس تموت م الهلع
وناس الرزق ليها بيتحدف
وناس عايشه على ضرب الودع
ولا المصايب والكوارث عندنا
من كترها
دايما بشوف فيها البدع
فى البحر غرقان من غير كفن
وملاك على القطر اتفزع
شايل هموم الدنيا لساه صبى
كاتب فى كراسته
دمى بيروى اللى اتزرع
وده حامى حدودى من جدودى
يموت فى قطر
ولا من درى ولا من سمع
يا بلدى ليه دمى رخيص عندهم
وسنين بادارى الحزن بشويه دلع
يعنى من الآخر باقولها
إحساسى بيك وحبى ليك بيتخلع
فى بلدى بس