اقتباس:
المشاركة الأصلية كتبت بواسطة ahmed ali12345
ايه ده مش مصدق.اخيرا حد رد عليا 
طيب منا عايز اعرف بقى ال50 سببها الحل الكتير ولا المذاكرة الحلوة جدا وحل متوسط
(تختار حاجة واحده)
اصل الصراحة الاسئلة كتيير جدااا وعايزة وقت بالهبل.ومستحيل اخلص كل ده وميأثرش على المواد التانية
|
كلهم بلا استثناء سبب فى الخمسين
مذاكرة كتير + مراجعة بالجملة + حل على قد ما تقدر
و مش مستحيل ولا حاجة
أنا بفضل الله و بعونه قفلت فى الأحياء كتاب المدرسة و الدليل و كتاب الامتحان و السامى
و فى اليومين الى كانوا قبل الامتحان راجعت فيهم على المنهج و حليت الدليل تانى مرة اكتر من كافي للمراجعة
انت بس نظم وقتك يعنى ماتخدش الكتاب كله و تحله فى يوم
أو مثلاً ماتعملش فصل في المنهج و تقوم ماسك كل الكتب حالل فيها فى نفس الوقت
خلى مثلاً أول مرة تذاكر فيها الفصل تروح تحل من كتاب المدرسة بس لأن الأخير صغير
و بعدين تقسم الحل كتاب الامتحان على دفعة أو أثنين
المرة التانية الدليل علشان تكون تمكنت من الفصل 100 % بإذن الله
طول ما انت منظم وقتك إن شاء الله هاتلاقى وقت لكل حاجة حتى لو عليك مائة مادة فى السنة
و الله الأحياء دى مادة مضمونة بعون الله للى بيذاكرها بضمير
اهم حاجة إجاباتك و رسوماتك تكون دقيقة زى الكتاب بالمللى
يعنى تغير فى أسلوب الحل ماشى إنما لازم كل المعلومات تبقى مكتوبة فى السؤال و كذلك الرسم
ياما ناس رسمت رسومات تحفة و نقصت عليها أى كلام