[فيض خاطري]

المشاركة الأصلية كتبت بواسطة optimistic !

السلام عليكم
بدون أى فلسفه فــ الكلام أو التكلم بإسلوب دينى متشدد
ولا أنا شيخ ولا حاجه أنا بحكى عن تجربه حصلت معايا
الصلااااااااااااااااااه يا جماعه



والله ساعات بلاقى صحابنا وناس نعرفهم بيتكلموا معايا عن مشاكل وإن هما مش مبسوطين من حياتهم وأسألهم

إنت بتصلى ؟

ألاقيه يقولى لأ أو يقولى مره أه وعشره لأ
بجد والله كله إلا الصلاااااااااااااه

<<(( معاكم شخص فعلا من قلب الحدث ))>>

جت عليا فتره معينه كنت قاطع الصلاه تماما
قابلت مشاكل الدنيا كلها وكانت حياتى ضلمه×ضلمه والله
علطول عصبى علطول بغلط علطول بزعل الناس منى
قعدت مع نفسى أشوف العيب فين
لقيت إن العيب فى ترك الصلاه بس

بدأت أصلى كل الفروض لقيت كل المشاكل اللى كنت فيها إتحلت
وكل اللى كنت بزعلهم الزعل راح ولقيت تعاملاتى اختلفت للأحسن بكتير ولقيتنى بقيت محبوب أكتر من اللى حوليا

ومن ساعتها وأخدت عهد على نفسى إنى مفوتش فرض وإنى أواظب على الصلاه

أنا عارف إن كلامى ملهوش لازمه وإنتم ناس على خلق وتدين ربنا يبارك فيكم
بس يمكن حد يكون غافل أو مقصر أو بيكسل أو أو أو ...
جرب كده تواظب عليها يوم واحد بس
وشوف التغيرات اللى حتحصلك فى اليوم ده
حتلاقى نفسك بتقول يستحيل أفوت فرض لو إيه السبب حتى

يا ريت لو حد تعرفه مقصر فى الصلاه خده وكلمه براحه وقوله على النتائج الإيجابيه لما بتحافظ على الصلاه وعلى النتائج السلبيه لما بتقصر أو بتقطعها

وحتلاقى ربنا هدااه زى ما هدى قبله كتير ومنهم أنا وزى ما لسه ربنا حيهدى كتير ومنهم أنا برده

ودمتم سالمين

الصلاة عماد الدين
جزاك الله خيرا