[علوة حامد]

ببساطة :

من زمان و الدولة بتدعم رغيف العيش للمواطن عن طريق دعم الدقيق للمخابز يعني شوال الدقيق ، مثلا ثمنه 100 جنيه الدولة تديه لصاحب المخبز بعشرة جنيه بس و تتحمل الدولة ال 90 جنيه الباقيين مقابل ان الراجل هايبيع الرغيف للمواطن ب 5 قروش ...

كانت المشكلة ان معظم الاشولة المدعمة دي بيبيعها صاحب المخبز في السوق السودا بسعر يصل لحوالى 200 جنيه ...

فتبقى الدولة بتصرف مليارات تـترمي في جيوب التجار و في نفس الوقت المواطن ميلاقيش العيش ... و ان لقاه بيبقى بطوابير قاتلة لأنه قليل ، و الرغيف ايه اللي كلكم عارفينه ... طب ايه الحل ؟؟

محتاجين حل سريع

أصدر السيد وزير التموين د.باسم عودة قرار : أن يكون الدعم يكون على الرغيف المنتج فقط.

..يعني صاحب المخبز يشتري الدقيق بسعره الحر 200 جنيه مثلاً ... و يخبز عيش تشتريه الدولة منه ب 30 قرش للرغيف و تبيعه للمواطن في الأكشاك ب 5 قروش ...مع الأخذ بالاعتبار ان الدولة لن تشتري الا الرغيف السليم اللي وزنه 130 جرام !! ...

وبكده تضمن ان الدعم وصل للمواطن و بس ، و ان الرغيف يبقى محترم.

القرار بدأ تنفيذه بالفعل فى بعض المحافظات و هانشوف العيش ده خلال أيام باذن الله .