[bright stars]

المشاركة الأصلية كتبت بواسطة مصطفى احمد حسن عبد العزيز

لو سمحتم بما انكم كلكم علمى رياضه انا فى تانيه ثانوى ومش عارف اختار علمى علوم ام رياضه انا بحب الرياضه جداااااااا بس خايف ادخلها لمعرفش فيها حاجه وفنفس الوقت بقول ان الاحياء كلها حفظ يعنى لو حفظت هحل وفى الرياضه لو معرفتش اجيب فكره المساله مش هعرف احل والمشكله كمان انى بعرف احفظ يعنى ممكن امشى فى الاتنين مش عارف اختار ممكن حد يساعدنى ويقولى اعمل اى

بص انت حلمك ايه؟ لان لو ملكش هدف هتفضل مشتت وتفضل تقول طول السنه لو انا كنت احياء كان زماني بعمل كذا او لو انا كنت رياضه كان زماني بعمل كذا ومش هتقدر تعمل حاجه بتفكيرك ده

نفسك تدخل ايه؟ وبتميل اكتر لايه؟ لما تختار حاجه انت بتحبها هتقدر تنجز فيها اكتر ده لانك بتحبها مش لانك كويس فيها

حتي لو مش كويس فيها وبتحبها ده هيكون دافع يخليك تبذل كل جهدك فيها

لكن لو أخدت حاجه لسبب انك كويس فيها وبس فممكن تمل منها وتزهق منها لان دي حاجه مش بتحبها

ومتنساش ان مستقبلك كله هيتحدد عليها

فبالنسبه للرياضه فتقريبا معظم افكار المسائل بتعرفها اثناء حلك طول السنه ومراجعتك وحل الامتحانات السابقه
ولو جه في الامتحانات حاجه مختلفه بتبقي نقطه في مسأله مثلا مش الامتحان كله ودي بتعمد علي فهمك وطريقة استنتاجاتك بس مش أكتر

بالنسبه للاحياء فأنا مقدرش افيدك فيها ممكن تسأل في جروب علمي علوم

بس كل اللي أقدر أقولك عليه ان في كلا الحالتين محتاج مذاكره سواء رياضه أو احياء ومفيش حاجه اسمها اسهل أو اصعب لان انت اللي ممكن تخليها سهلخ او صعبه

يعني كل حاجه بايدك

والقرار قرارك صلي ركعتين استخاره لله وانت هتلاقي الحل

لو عاوز اي استفسارات تانيه كلنا هنا في الخدمه

بالتوفيق ليك ولينا كلنا