[د-أحمد]

ببساطة أكيد انك تعرف ان كل مادة بتختلف بإختلاف الذرات المكونه وإختلاف الروابط البينيه والاتنين دول بيخلوا لكل مادة جزئ مختلف فى الحجم وعدد البروتونات والنيترونات والإلكترونات المكونه للذرات الجزئ وبالتالى لو تخيلت معايا ان البروتون هو كرة يد والنيترون هو كرة قدم وإن الجزئى هو كرتونه ( حجم ) ووزن كرة اليد 1 كجم ووزن كرة القدم 2 كجم
تخيل معايا اننا عندنا 2 كرتونه وحده حجمها 1 متر مكعب والتانيه ضعفها حجمها 2 متر مكعب لو الأول هو جزئ فيه واحد بروتون وواحد نيوترون يعنى وزنه 3 كجم ووزنه 1 متر مكعب فبالتالى كثافتها 3 كجم لكل متر مكعب لو الجزئ التانى كثافته زى الأولانى فلازم يكون فيه 2 كرة يد و2 كرة قدم يعنى كثافته 6 كجم \ 2 متر مكعب = 3 كجم لكل متر مكعب
وحجمه هو الحيز الموجود فيه هذه الكور بتدور وتتحرك فيه او بينها قوة تنافر تخلى كل كرة موجوده فى ركن من اركان الكرتونه وبالتالى لو مفيش كرتونه فالجزئ بيشغل الحيز دا كله

احنا كدا بنتكلم عن كثافة الجزئ تخيل بقى ان المادة مكونه من ملايين من الجزئ دا والمسافة بينهم بتختلف بإختلاف درجة الحرارة لو كان غاز أو كان سائل أو صلب وبالتالى كثافة كل حالة بتختلف أرجو أنى أكون وضحتلك