اقتباس:
المشاركة الأصلية كتبت بواسطة الاستاذ عوض على
من حق حضرتك الاطلاع عليه
بعدما يعود إلى المعهد من المنطقة الأزهرية
وتقوم بالتوقيع عليه بالعلم مع كتابة التاريخ
وحدث معى فى أحد الأعوام أن ظلمنى شيخ المعهد فى التقرير وقام بتنزيل درجتى فيه
فقدمت شكوى للمنطقة الأزهرية فرفضوا قبولها !
فأرسلتها للإدارة المركزية فى القاهرة بالبريد المسجل
وجاء لى الرد فعلا بأن اللجنة تقر التقرير لأنى حصلت فيه على ممتاز ولم يتم رفع درجتى وظلت أقل من درجة العام السابق رغم الجهود المضنية التى أبذلها فى المعهد
فى الجدول ورئاسة الكنترول ويوم اسبوعى فى الاذاعة والحفلة السنوية والرحلة ..... الخ !
والحمد لله على كل حال
|
عارف يا استاذ عوض المشكلة مش فى الدرجة او حتى التقدير، المشكلة فى كلمة (اشمعنا) اللى ممكن اى حد يقولها لما يلاقى زميله اعلى منه بدرجة واحدة وبيحس ان ده انتقاص من كفاءته وعمله وان فلان احسن منه وهكذا ...
لو الكل جاب 50% محدش هيزعل بس لو واحد فرق درجة واحدة هتحصل مشاكل. واعرف واحد خد فى تقريره 98 زعل وقلب الدنيا وازاى مخدش 99 وحدوتة كبيرة .. لذلك انا لو شيخ معهد هدى الكل وانا مغمض 100% واللى يحصل يحصل لان درجة التقرير مش هى اللى هتصلح من حال الموظف او تخليه يراعى ضميره بل بالعكس .. ولو حد اتكلم معى هقول دة رايى وتقييمى ومقتنع بيه وشايف كل المعلمين ممتازين
نظام التقرير ممكن ينفع اكتر فى القطاع الخاص لكن قطاع الحكومة مش عملى لانه ملوش محددات ومعايير واضحة وقاطعة نقدر نقيس عليها كفاءة المدرس من عدمها