[أ/ سعيد موسى]

المشاركة الأصلية كتبت بواسطة الاستاذ عوض على

نعم يا دكتور سعيد
هو بالفعل الكوماندا
مستر محمد فوزى

المشاركة الأصلية كتبت بواسطة mohammad fawzy

عارف يا استاذ عوض المشكلة مش فى الدرجة او حتى التقدير، المشكلة فى كلمة (اشمعنا) اللى ممكن اى حد يقولها لما يلاقى زميله اعلى منه بدرجة واحدة وبيحس ان ده انتقاص من كفاءته وعمله وان فلان احسن منه وهكذا ...

لو الكل جاب 50% محدش هيزعل بس لو واحد فرق درجة واحدة هتحصل مشاكل. واعرف واحد خد فى تقريره 98 زعل وقلب الدنيا وازاى مخدش 99 وحدوتة كبيرة .. لذلك انا لو شيخ معهد هدى الكل وانا مغمض 100% واللى يحصل يحصل لان درجة التقرير مش هى اللى هتصلح من حال الموظف او تخليه يراعى ضميره بل بالعكس .. ولو حد اتكلم معى هقول دة رايى وتقييمى ومقتنع بيه وشايف كل المعلمين ممتازين

نظام التقرير ممكن ينفع اكتر فى القطاع الخاص لكن قطاع الحكومة مش عملى لانه ملوش محددات ومعايير واضحة وقاطعة نقدر نقيس عليها كفاءة المدرس من عدمها

جزاك الله خيرا استاذنا الغالى أ/ عوض
اهلا بكوماندا المنتدى يعلم الله انك من الاعضاء الذى تترك فراغا فى حاله غيابك
وياليتك تتابع المنتدى باستمرار
طبعا لاينفع انك تعطى اى واحد تقرير 100%
كان زمان لاتوجد مشكله منذ فترة ايضا طلبوا ان التقرير لايكون 100%
فى عهد احمد نظيف قال جميع التقارير السريه فى مصر تكون امتياز والمفروض ان يكون ذلك دلاله
على اننى نملك اعلى منظومه اداريه فى العالم
وكان ذلك سخريه من الروتين الادارى فى مصر