خلاص تعبنا وزهقنا حرام بجد كرهتونا في حياتنا !
ضيعتوا امالنا واحلامنا وبتقولوا ان احنا عايشين في جنة !!
كل حاجة تحصل احنا الي غلطانين وانتم من الغلط معصومين ؟؟!
ماشين بقانون تحيا التعذيب وخلاص رميتوا العقل وكمان الدين !
بقيتوا عرايس خشب بيحركها الاجانب ويارب ينولونا بقى من الحب جانب !
كل الناس خلاص بتضحك علينا وانتم يوماتي تقولوا الحل في ايدينا
مية سنة الحل في ايدينا ؟! حرام بجد عليكم وعلينا
فاكرين سكوتنا دا ضعف شخصية .. لأ بعيد عنكم دا ضعف ايمان
ضعف ايمان اننا ساكتين وباحكامكم و بظلمكم راضيين وساكتين
بس يا ريت تحسوا اننا خلاص مش قادرين مع ان للاسف انتم عارفين
بس الكبت بيولد الانفجار وانفجار الشعب اصعب من هجوم التتار
دا لو حد مسئول عن فرد واحد بيشيل همه وبيفكر هيتحاسب ازاي ادام ربه ؟
وانتم ماسكين شعب كامل بلد المية مليون !!! يومكم هيكون بمية مليون يوم
لو الكلام دة مخالف وعايزين تحذفوه !!! عادي يعني