[To Be Is To Do]

المشاركة الأصلية كتبت بواسطة ahmed ali12345

السلام عليكم ورحمة الله وبركاته
الموضوع من عنوانه للى خلصوا ثانوى
اى حد تانى هيدخل هيعتقل على طول
بصوا بقى انا ضااااااايع فى الموااااااد كلهااااااااااااااااااااااااااااا
وسؤال بقى
احياء.هل كافى انى..
اذاكر كويس
احل كتاب الامتحان كويس
اراجع كويس
احل امتحانات الثانوية كلها
+مراجعه الاسبوع بتاع الامتحان وتركيز .
ولا كمية الحل والمراجعه مش كافيه ؟؟
علشان اجيب 50

زود على كده حل كتاب المدرسه والدليل بس الاحياء تتزاكر مره واحده اعتقد م كافى لازم اكتر من مره عشان هى حفظ اكتر منها فهم

ممكن حد يفيدك اكتر فى الاحياء لانى كنت رياضه 2

الفيزياء نفس النظام بالظبط

الفيزيا لو زاكرت كويس وحليت كتاب الامتحان والدليل وامتحانات سنين سابقه كويس اوى

العربى والانجليزى
هذاكر مرة وحده كويس وهراجع مرة واحده فقط واراجع ليله الامتحان فى الانجليزى+مراجعه ال4 ايام بتوع العربى اللى قبل الامتحان
علشان اجيب النهائية

بص العربى مينفعش يتزاكر مره واحده بس قبل المراجعه لان الادب كبير وعايز دش كتير وحفظ كتير فلازم يتراجع اكتر من مره وعندك كمان التعليق العام على النصوص بيبقى عايز حفظ برده كتير ومراجعه
واهم حاجه تحل امتحانات عربى سنوات سابقه وتحل قطع النحو بتاعتها كلها لانها مهمه برده
الدلليل مش مهم اوى فى العربى (( من وجهه نظرى يعنى )) الاهم يتزاكر اكتر من مره مع حل لامتحانات

الانجلش تمام لوزاكرته مرتين وراجعته مره ومره قبل الامتحان كمان حلو اوى
والانجلش للاسف ملهوش امتحانات لان المنهج متغير من 2010 فمش حتلاقى امتحانات كتير تحلها بس ممكن يكون امتحانات ال work book السته مهمين بييجى منهم كذا جمله اختيار أو find the mistake وساعات اسئله القصه برده بتيجى منهم

علم نفس مخلصه مذاكرة
هراجع عليه مرة واحده بس واحل كتاب المدرسة وامتحانات الثانوية العامة+مراجعه ليله الامتحان
علشان اجيب 50

بص علم النفس ماده حفظ من الدرجه الاولى ومعنى كده ان مزاكرتها مره واحده مش كفايه على الاقل 3 مرات غيير مراجعه ليله الامتحانات لان المنهج بيتنسى بسرعه لانها حفظ كتير
وطبعا حل اسئله الامتحانات السابقه مهمه جدا لانها بتدربك على شكل الاسئله ومع كترالحل الاسئله بتتحفظ تلقائيا

مستوى عربى
هذاكره مرة واحدة واراجع عليه مرة واحده بس واراجع عليه ليله الامتحان
علشان اقفله 50

أنا كنت مستوى رياضه فمش عارف صراحه

ملحوظات
1- مستوايا كويس الحمد لله
2-المواد اللى فوق كلهم ابيض ماعدا علم نفس
3-طبعا موضوع يكفى ولا لا اقصد كفاية لانى اجيب الدرجة النهائية فيهم
4-الاجابة بكل صراحة وعن تجربه
5-انا من الناس اللى نظام مذاكرتها هى انها تلم الدنيا فى الاخر بس السنادى اتوترت قوى علشان كده بسأل ينفع ولا
6-عايز نصيحة اعملها
شكرا مقدما

الله يوفقك يا رب