[سيلفانو]

مش عارف اكمل عمرى
واعيش زى الناس

وياما اتقال عليا
انى من غير احساس

وانى قاسى القلب
وببيع وبخون وخلاص

لكن ولا حد عاش
زى اللى انا عيشته فيوم

ولا حد ليلاتى يبات
بدموع مكسور مهموم

ولا حد جواه صرخه
وألمه جواه مكتوم

ورغم ده كله بيضحك
وعلى عوم الدنيا يعوم


عايش فيكى يا دنيا
وحمل جراحى جبال

هعيشك كل ثانية
واللى يتقال يتقال

ولو كل الدنيا جانية
انا للحمول شيال

ومهما آلامى زادت
مش هسأل حتى سؤال

مستسلم ليكى وراضى
باللى انكتبلى وعادى
وطالما قدرى القاضى
هعتبر الهم اتزال





مش عارف اكمل عمرى
واعيش زى الناس

وياما اتقال عليا
انى من غير احساس

وانى قاسى القلب
وببيع وبخون وخلاص



بقلمى::: نــــــــــــــور