[Mohammad Fawzy]

الاستاذ خالد غباشى عمل موضوع بالامس عن منشور هام
بعمل حصر لمن يشغل وظيفة على قانون الكادر
موضوع جميل والامور تمام وربنا يجزيه خير على تعبه
لكن المدهش والفظيع والصادم لما تلاقى عدد تحميلات المنشور
اكتر من 1000 تحميلة والردود 13 رد فقط لا غير

وفى اقل من يوم واحد

ليييييييييييييه



هو المنشور ده اسرائيلى !!!!!!!!!!!!

لو كل واحد حمل ومشى
او استفاد ومقالش شكرا لصاحب الموضوع
هيجى يوم مش هنلاقى موضوع واحد عليه القيمة
ايوة صاحب الموضوع مش منتظر شكر من حد والموضوع لوجه الله
بس كلمة (منتدى) معناها خد وهات او خد وقول شكرا على الاقل

احنا هنا فى المنتدى عددنا كبير وممكن نعمل حاجات ممتازة

يعنى لما 1200 واحد
يدخلوا موضوع واحد
ويحملوا منشور واحد
فى اقل من يوم واحد

معنى كدة اننا كازهريين لو كل يوم 10 اعضاء بس عملوا موضوع مفيد فى المنتدى
بعد 4 ايام ممكن نعلن استقلالنا عن المنتدى ده او حتى نعلن تاميم منتدى ثانوية لصالحنا

فى ناس مسجلة من 2008 و 2009 و مشاركاتهم يتعدوا على الاصابع
عضويات مصلحة من الاخر
مش معقول محدش من الالاف دول معندوش حاجة قيمة يشارك بيها
ده غير الناس اللى كانت بتشارك واختفت فجاة راحوا فييييييين؟!!!!!!
اكيد فى نسبة معقولة بتتفرج من بعيد لبعيد وبتاخد ولا تدى

عن نفسى والله ما بتفرق معايا الردود
بس لما عضو جديد ولا حتى قديم يكتب موضوع وميلاقيش حد عبره
اكيد هيدور على باب المنتدى ويطفش
او يقعد على دكة الاحتياطى زى الباقى يلم الكور
انزل الملعب يا عم هاتلك جون ولا حتى باصى كورة

فى النهاية ارجو ان تتقبلوا هذا الموضوع وهذا النقد وعذرا ان كان قاسى شوية
بس كلنا مقصرين وانا اول واحد فيكم

بس لما مرفق يتحمل 1135 مرة فى كام ساعة والردود 13
يعنى 1% من عدد التحميلات
يبقى لازم نراجع نفسنا لمصلحتنا مش لمصلحة حد تانى
واسمحولى احط الاموشن ده تانى
لانه معبر جدا عن الحالة اللى بيعيشها المنتدى
ليييييييييه لييييييييييه