[To Be Is To Do]

المشاركة الأصلية كتبت بواسطة nourhan_nono

ال

و من ناحية انا عايزة اية و بحب اية فا انا نفسى فى علمى علوم
مع انى كويسة فى الرياضة لكن حابه الاحياء اكثر
و حاسة انى مش بحب المواد الادبية ولا بحب الرغى و الحفظ الكثير دة
و حاسة انى لو دخلت ادبى مش هعرف ازاكر
مش عارفة دى حقيقة فعلا و لا انا بوهم نفسى بكدة علشان بصه لعلمى

طب إنتى نفسك بتحبى الأحياء وعايزه علمى علوم وفى نفس الوقت مش عايزه مواد حفظ ورغى كتير
ما الأحياء دى أساسا ماده حفظ من الأول للآخر مفيهاش فهم غير ف مواضع قليله
يعنى ممكن تلاقى مشكله ساعتها ( بما إنك مش حابه الحفظ )

على فكره أولى ثانوى مش مهمه أه طبعا لكن دى بتعتبر بالنسبه لكى مصير طب ليه

انتى فى اولى بتاخدى كيميا فيزيا احياء رياضه تاريخ
فبتشوفى انتى ميّاله لايه او حابه ايه ... فاهمانى ؟

انا هقولكم على درجاتى و انتى احكمه
انا جبت فى الكيمياء 18 من 20 و الاحياء 18 من 20
و التاريخ 15 من 20 و الرياضة الهندسة 7 من 8
و الجبر و حساب مثلثات 6 من 8

بصى علفكره الدرجات دى مش مقياس خالص لاى حاجه منا مثلا كنت مقفل الاحياء فى اولى ثانوى لكن مردتش ابدا ادخل احياء لانى بكرها جدا يعنى مش مقياس خاااالص لاى حاجه ... المهم انتى تشوفى إنتى حابه ايه وحاسه انك حتتفوقى فى ايه ؟

و على فكرة انا مكنتش باخد فى الاحياء درس و مدرس الفصل مدخلناش من اول السنة
و بزاكرتها فى اخر شهر

و التاريخ كانت باخد فيه درس و ذاكرته من اول السنة و زاكرته اكثر من الكيمياء و الاحياء
بس دخلت الامتحان لقيت نفسى ناسية كل التورايخ هههههههههههههههه
و عكيت فيه جامد ههههههه
قولولى بقى اعمل اية ؟؟؟؟؟؟
انا الترم دة باخد فيزياء و جغرافيا و فلسفة
و حاسة انى الفيزياء سهل
مع العلم انى ماما و بابا مش فارق معاهم الموضوع دة
و بيقولولى ادخلى اللى انتى عايزه
علشان تتحملى نتيجة اختيارك و انتى ادرى بنفسك
و كلام من دة
و صحابى معظمهم هيدخله علمى
و مستواهم الدراسى اقل منى بكثييييييييييييير
بمراااااااااحل

بصى دلوفتى انتى رافضه الادبى والقلق بين علوم او رياضه

ممكن تجيبى كتاب احياء وكتاب رياضه وتشوفى وتستكشفى دى و دى وتقرى ومن خلال كده حتعرفى انتى مرتاحه لايه ( ده لو انتى مش محدده خالص ناويه على ايه )

طيب انتى لو جماغك شغاله وبتحبى تفكرى وتحلى وتشوفى المسائل وتقعدى تحلى وكده وتشوفى افكار صعبه وكده يبقى رياضه

طب مش حابه الكلام ده وعايزه الحاجه اللى تزاكريها تيجى زى ما هى تحفظى وتمتحنى وخلاص يبقى خشى احياء احسن لان رياضه 2 فيها افكار كتيره صراحه وعايزه حل كتير اوى

القرار قرارك اولا واخيرا انتى اللى تحددى عايزه ايه

صلى صلاه استخاره برده وسيبها لله وهو حيوجهك للطريق الصح ان شاء الله

بالتوفيق ليكى