[سيلفانو]

مسكين مش لاقى اللقمه
وشاكر راضى بالقسمه
وبيقول انه فنعمه
وراضى بالمكتوب

فقير وبيخاف ربه
وايمانه مالى قلبه
وطريق الخير ده دربه
ومن كل الناس محبوب

وكرامته اغلى ما عنده
مع انه مفيش حاجه عنده
ولا يطلب غير من ربه
غير ستر وصفو قلوب

والتانى عنده المال
والفايض عنده جبال
والمال ماددله حبال
ولا عمره كان مغلوب


لكن شيطانه شريكه
والشر معاه وصديقه
وغروره هو شقيقه
ومالى الدنيا ذنوب

مش عايش الا لروحه
الدنيا كل طموحه
ناسى يوم هتخرج روحه
وجسمه فتراب هيدوب


يا عاصى راجع نفسك
نزل على خدك دمعك
ده كل حياتك وعمايلك
فكتاب كبير مكتوب

ارجع تانى لربك
قبل ميضيع عمرك
طهر بإيدك نفسك
ده ربك علام غيوب



بقلمى ::: نـــــــــــــــــــور