[عبد البديع]

المشاركة الأصلية كتبت بواسطة black.stone

السلام عليكم
لو سمحتم يا اساتذه انا طالب فى الصف الثالث الثانوى علمى رياضيات السنادى كنت جايب السنة اللى فاتت 96.3% و كنت جايب 50 فى الرياضايات و انا كنت عاوز اسأل عن نظام المستوى الرفيع رياضيات ... انا مش عارف ايه نظام المستوى .. سهل و لا صعب و لا ايه بالظبط .. انا سامع ان الكل بيدخل مستوى رفيع عربى .. لانوا سهل ... بس انا مش بحب العربى خالص ... و مش عارف اعمل ايه ... الكل بيخوفنى من الرياضة و انا مش عارف اعمل ايه و انا مفيش قدامى غير العربى و الرياضة ... يا ريت يا جماعة تفيدونى

اكيد انت مابتحبش النحو فى العربي ... صح ... وانا زيك ... فى المستوى عربي بيجيب قراءة وبلاغة وكام كلمة تعربها سهلين جدا أو ممكن كمان ما يجبش نحو خالص فكده انت هتحفظ شويه القراءة ودول 14 موضوع سهلين والبلاغة اللى علينا سهلة جدا ... فممكن تدخل مستوى عربى وتضمن 10/10 بس تكون كاتب كتير يعنى 10 أو 15 سطر فى اجابة السؤال ويكون خطك حلو ومنظم واصلا التصحيح بيكون بزرميط يعنى اقل حاجة هتاخدها 9.5/10 وفكر وشوف هتعمل ايه علشان ما ينفعش تكون طالب ثانوى ومش عارف تاخد قرار لحد دلوقتى واحنا فى شهر 3 يعنى فاضل شهرين ونص على الامتحان .... فى رعايه الله والسلام عليكم ورحمته وبركاته