بص يا عمرو مع ان انا اصلا ضد الحكاية دي خاااااالص بس هنتكلم كلام عام .
اقتباس:
انا حبيت مرتين وفشلت واتجرحت واتخانت في المره الاول والمره التانيه لسه في اول مراحل الفشل
وكل واحده منهم تقولي انا بحبك ومقدرش ابعد عنك ابدا وبعد شهر يبدأ اهتممها يقل مع ان انا معملتلهاش اي حاجه تزعل ده بالعكس والله
|
يبقى انتي اتسرعت واختارت غلط يا عمرو من الاول . انتا لازم تفكر قبل ما تقرر هتقولي الحب مش فيه تفكير ومش فيه قرارات يبقى انتا غلطان لأن انتا لازم تحط قدامك هدف ان انتا لما هتحب يبقى هتكمل حياتك معاها مش موضوع انه حب و تقضية وقت . انا عارفة انك مش بتفكر كدة بس انتا ليه مقتنع ان هياا مش بتفكر كدة ؟!!
اقتباس:
البنت في الاول بتحب بجد وبعدين تقعد مع نفسها وتقول لا ده مش هو ده فتي احلامي
دي عينيه ديقه وتقعد تفكر في واحد تفصيل علي مزاجها ومزاج اهلها وبعدين تخلع الواد ده وشوف بقي هي هتجرح كام واحد
وانا والله يا جماعه شكلي ماوحش ده انا بالعكس والله الناس بتقول عليا امور وهي كمان قالتلي انت احلي مني
والحكايه دي خلت اخويا يقولي البنات بتحبك عشان شكلك وبعدين تكتشف اني في ولاد كتير حلوين وانت عادي ري اي حد وبعدين مشاعرها تتغير
|
مش كل البنات كدة ! واسوء حاجة ان حد يحكم على الناس بالمظاهر لأن المظاهر خداعة اويييي . والتعامل بين الناس مش ينفع يتاخد من الجانب دة ولو البنت فكرت بالاسلوب دة يبقى خلاص انتا غلطااااااان من الاول عشان بردوا اتسرعت .اصل بكرة اوي حكاية البنات الي لو مش كان الولد شبة انتونيو بندايرس ولا ليوناردو هيبقى مش نافع . دا طبعا مش صح
اقتباس:
بجد خدوها نصيحة مني اول ماتفكر تحب واحده صلي صلاة استخاره وربنا هيوفقك
واسمع كلامي ماتصدقش الكلام ده انا بحبك ومستحيل انساك ومقدرش اعيش منغيرك
..... الخ
الا لما تصلي صلاة استخاره لان الحب الصادق دلوقتي موجود بنسبة واحد في المليون
|
تفكير حلو
بس دا اصلا يا عمرو الي المفروض يحصل من الاول . لأن زي ما قولتلك يا ما تكون ناوي تكمل معاها حياتك يا اما مش ليه لازمة .
وطبعا قرار زي دة وهينتهي بجواز ازم يكون من الاول مبني على اساس زي صلاة الاستخارة .
وعايزة اقولك يا عمرو الي بيحب اوي بينجرح اوي
مش شرط يكون حب ولد وبنت بس اي نوع من الانواع عموما .
ولااااااااااازم يا عمرو تشوف انتا هتختار مين وصفاتها اية وحياتها ازاي شخصيتها وتعاملها مع الناس اية
وطبعا نفس النظام مع البنات
انا رغاية اوي عارفة ..بس عادي بقى