على اد مبشوف منك
مش قادر ابعد عنك
انا اصلا جزأ منك
وفيكى انتى عذابى
ورغم عذابى انا عاشقك
من سماكى لأرضك
شمسك او حتى ضلك
وفيكى كل احبابى
عاشق ريحه حواريكى
وقمر ونجوم لياليكى
دايب ومجنون بيكى
ارضك وهواكى صحابى
حكمك زمان أبطال
وكان فيكى الخير شلال
ولا كان جواكى مجال
لحرامى او محتال
ولفت عجلة أيامك
وبدأتى تعيشى ألامك
وتهرب منك احلامك
وبدأ الخير ينزال
حكمك حرامى وفاسد
وحيله عليكى شادد
ومع الشيطان متواعد
يربط ايدك بحبال
وقالولنا الحل الدين
قوموا يا مسلمين
انتخبوا المؤمنين
ده خيرهم علو جبال
ياريتهم كانوا بيه حاكمين
ده طلعوا بيه متاجرين
ضاحكين على المساكين
وواعدينهم بحاله عال
زاد فيكى يا بلدى الظلم
يوماتى قـــ تــل ودم
وناس بتموت مالهم
رغم دم الابطال
قاموا فيكى بثورة وهوجه
قالوا نمشى عكس الموجه
قالوا نعدل فيكى العوجه
مهما زمانك طال
على اد مبشوف منك
مش قادر ابعد عنك
انا اصلا جزأ منك
وفيكى انتى عذابى
ورغم عذابى انا عاشقك
من سماكى لأرضك
شمسك او حتى ضلك
وفيكى كل احبابى
عاشق ريحه حواريكى
وقمر ونجوم لياليكى
دايب ومجنون بيكى
ارضك وهواكى صحابى
بـــــــ NoOoRـــــــقلمى