السلام عليكم ورحمة الله وبركاته اولاَ
المشكلة في الازهر ليست فقط التقصير من جانب الموظف
سأقدم لك مثال وتجربة شخصيه لاكثر من موقف
جا احد السادة الموجهين ليقوم بمتابعة الاعمال التحريرية وجمع كراسات املاء من التلاميذ
واشار اليّ منبها ( يا استاذ لازم تراعي الدقة وانت عتصحح )
قلتله في ايه باظبط
قالي الواد دا واخد درجة وكاتب السين غلط
المفروض ينقص
قلتله يا استاذنا الواد كات السين رقعة يقوم يقولي هو بتاع الابتدائي يعرف رقعة ونسخ؟؟؟
طيب اقوله ايه وهو مش عارف ان التلاميذ بيدرسوا خط من الصف الثاني الابتدائي؟؟؟؟؟
مرة بشرح حروف الجر وكاتب على السبورة بين الامثلة
تظاهر عبد الله (بلعب) كرة القدم
فتفضل الاستاذ وحط نقطة تانيه للباء وبدأ يعيد الامثلة ووصل للمثال تاني
يقولي فين حرف الجر في المثال يا استاذ؟؟؟
بدال بلعب عدلها خلاها ( يلعب ) وبيدور على حرف الجر
استاذ فاضل تاني جالي في حديث نبوي
تحضيرك وتاريخك وسبورتك
وبعدين اقرا يا ولد انت
قرأ الولد (( مثل القائم على حدود الله والواقع فيها كمثل قوم استهمو ا .........))
قام الاستاذ فازع (استهمّوا )مش ( استهموا)
المهم بحاول اقنع حضرته ان الميم من غير شدة العيال فهمت وهو لسه
راح من الاحراج نزل كاتبلي التقرير مستوى التلاميذ متوسط الى ضعيف !!!!!
طيب بالذمة كدا الناس تعمل حساب للزيارات من النوع دا ولا لا؟؟؟؟ !!!!!
|