[مـــــلك]

لو مكتوبلي اعيش فالدنيا
وامثل دور
يبقا هامثل دور انا هاكتبه ليا
أنا ياحبيبي رافضه أعيش حزينة مكسوره
رافضه أعيش حتى ضحيه
وبعد عمر طويل انا اقول
اصل مكنش حاجه بإيديا


والحكايه سهله خالص
أنا بحبك
ونفسي أكمل عمري جنبك
نفسي ابقا مراتك حبيبتك
وأم بنتك
الحكايه سهله جداً
ماتيجي نفرح
ده الفرح سهل وبسيط
اعمل انت للجراح انك عبيط
واديها ضهرك
وأنسا المثل بتاع الحزينة
اللي جت تفرح فيوم
ملقتش ليها اي مطرح
أحنا لينا فالفرح
يجي ألف مطرح
انوي بس انت حبيبي
هتلاقيني بين إيديك
مستنياك وعايشه ليك
هاتلي ورد
وانزع الشوك اللي يجرح
وتعالى بس فالميعاد
نفس المكان
اللي حصل فيه الفراق
نرجع هناك
ابدأ أنت فالبروفه
واحفظ الدور اللي ليك
على مسرح الدنيا الكبير
حصل تغير بسيط
وبخط ايدي كتبت لينا نهايه تانيه
هاتبقا فيها اكيد سعيد


ولو مكتوبلي اعيش فالدنيا
وامثل دور
يبقا هامثل دور انا هاكتبه ليا
أنا ياحبيبي رافضه أعيش حزينة مكسوره
رافضه أعيش حتى ضحيه
وبعد عمر طويل انا اقول
اصل مكنش حاجه بإيديا

بقلمـــــــــــــــــــــــي

كنــــــــارة