[Mohammad Fawzy]

المشاركة الأصلية كتبت بواسطة teacher120

والله الازهر امانه فى عنقنا جميعا سنسال عنه يوم القيامه امام الله
لاننا لسنا موظفين حكوميين فحسب ولكننا اصحاب دعوه ورساله فانت معلم ازهرى تمثل الاسلام الوسطى ويجب ان نكون جميعا كذلك حتى وان كنت معلم انجليزى او فرنساوى او اى ماده ثقافيه
الازهر امانه امانه امانه هذا ما اقوله واردده دائما لطلابى- على الكل ان يشد من ازره وان يسعى للنهوض به
كان فى يوم من الايام- رجال الازهر هم اهل الحل والعقد وهم من جاؤو بمحمد على باشا وصدق الخليفه العثمانى على ذلك
تلك لقطه من تاريخ ازهرنا

عارف يا استاذ محمود انا سمعت سلسلة حلقات وثائقية (3 حلقات) عن الجامع الازهر ودوره منذ نشاته وحتى الان، الحلقات عاملاها قناة الجزيرة وبتعرضهم على قناتها الوثائقية، عايز اقولك ان مؤسسة اسلامية وعلمية بهذا الحجم وهذا الدور التاريخى حرام توصل للوضع الحالى بكل اللى فيه

الازهر عمل دور تاريخى هايل فى ثورة 25 يناير وشيخه كان محور مبادرات وطنية كثيرة وكان بيلم الشمل ويعمل تفاهمات بين جميع الاطراف وظهر دوره المجتمعى المفقود منذ زمن. بس فى نفس الوقت دوره التعليمى انحدر لدرجة انه اصبح تابع ومنقاد لوزارة التربية والتعليم واصبح لا يملك القدرة على اتخاذ قرار واحد مستقل. والاسوء هو انهيار العملية التعليمية فى المعاهد الازهرية تماما (انهيار بمعنى انهيار) لا تعليم ولا ثقافة ولا فهم ووساطة اصبحت اساس للتعامل والغش فى الامتحانات اصبح حق مكتسب ولو قاومت تبقى ابن ستين فى سبعين !!

ايه الهم ده وايه الغم اللى احنا عايشين فيه ده. ممكن واحد يقولى انت مكبر الموضوع ومديله اكتر من حقه، اقوله حاولت انفض واكبر دماغى معرفتش وحسيت ان الازهر (امانة) زى ما قال اخويا محمود ابراهيم وان دوره اكبر واعمق من مجرد تمثيلية هزلية بنمثلها كل عام تختتم بمشهد الغش الشهير ونسبة نجاح 100% وفى نفس الوقت مفيش فى ايدى شئ حقيقى اقدر اعمله للازهر غير انى افضفض هنا معاكم يمكن تحصل المعجزة وحد يسمعنا !

ربك يصلح الحال