اه ياصاحبى
اه يا صاحبى لما تعرف اد ايه بخاف عليك
كنت جتنى والتقتنى وشيلت منى الهم شيلة
لسه سكتنا طويلة
لسه قدامنا السنين لسه قطر العمر شايل
مرة ضحكة ومرة حزن
بس اوعى فى يوم تظن
لو قالولك انى بعتك او قالولك انى خونتك
دانا بفهم حتى صمتك
لو بتفرح او تئن
وليه اقولك مانت عارف
ياما خوفت عليك وخايف
اصلى عارف
اد ايه حساس يا صاحبى
اد ايه جواك بتبكى
لو بتسمع طفل زن
مش بقولك انى فاهمك
زى مانت اكيد فاهمنى
لسه شايل من كلامى
لسه زعلان يومها منى
عيب يا صاحبى لو اقولك
اصلى كان قصدى اقولك
اسأل العشرة اللى بينا
اظن مش محتاج اقولك
__________________
<div align="center"> <span style="font-family:Arial">على الود اللى راح زمنه
على الناس يؤتمنو
على زمن اللى يعمل خير
مايستناش ياخد تمنه
على العشره وعلى الجيره
على النخوه وعلى الغيره
على الحق اللى ضاع منا
ولا بنجبله يوم سيره
على نفسى...دقيقة حداد
على حالى...دقيقة حداد
على نفسى وعلى حالى
على دمعى اللى كان غالى
ورخصته لناس مش ناس
نزلتلهم من العالى
على الضحكه...دقيقة حداد
على الفرحه...دقيقة حداد
على الضحكه اللى انا نسيتها
وراحت منى حلاوتها
على الفرحه اللى نسيتنى
قتلهاالحزن موتها</span></div>
|