[ĦAĜОo]

المشاركة الأصلية كتبت بواسطة ابانوب ايليا

اهلا بكم اخوتى الاعضاء
.
.
انا صراحة كل يوم بفقد الامل فى نفسى اكتر فأكتر انا فى تانية ثانوى وحاسس انى مش ححقق حلمى السنة الجاية.

انا حاسس انى غبى جدا بسبب مواقف بتحصل معايا فى الدراسة تؤكد ده.

انهادرة حصل معايا موقف محرج جدا قدام زمايلى فى الفصل فى حصة الكيمياء المستر سأل سؤال واللى يعرف يرفع ايده انا مش فاكر ايه السؤال بالظبط بس هو كان عن كلوريد الصوديوم المهم انا رفعت يدى وقاللى اتفضل جاوب ......تخيلوا انا كانت اجابتى ازاى؟؟؟؟؟؟؟؟ والله ماحتصدقوا !!!!!!
قولتله لأن الكلور يجذب الكترونات الرابطة التساهمية نحوه!!!!!!!!!!!!!!!!!!!!!!
المستر قاللى:ياراجل حرام عليك تساهمية ايه؟ ده المركب اصلا ايونى وانا ساعتها كنت عاوز اضرب نفسى بالنار ازاى اجاوب اجابة زى دى؟؟؟؟؟؟؟؟؟؟؟؟؟؟؟؟؟؟ ايه الغباء اللى انا فيه ده؟؟ مع انى انا عارف ان الصوديوم فلز والكلور لافلز وعارف برضه ان المركب اللى بيتكون من فلز ولافلز مركب ايونى فكيف اجيب سيرة الرابطة التساهمية؟؟؟؟؟؟؟ بجد كان موقف محرج قدام زمايلى اللى ضحكوا على اجابتى وانا صراحة حاليا منهار نفسيا وحاسس انى اغبى انسان فى الكون لأن دى مش اول مرة اجاوب بطريقة غبية لأن فى الامتحانات بتاعت نص واخر السنة برضه بعانى من نفس المشكلة على الرغم انى مش متسرع وبتأنى قبل الاجابة لكن برضه بكتشف غبائى بعد فوات الاوان حاسس ان عندى خلل فى التفكير .

لا طبعا مفيش حد غبى
و مينفعش تقول لنفسك انك غبى
مش عشان غلطت مرة و لا اتنين و لا حتى الف مرة تفقد الامل
يمكن من التوتر غلطت
و احنا بنغلط ليه ؟عشان نتعلم من غلطنا
و سيب اللى يضحك عليك و طنشهم المهم ان انت تحاول متكررش نفس الغلط
و ذاكر و شد حيلك و أكيد هاتوصل
أنا ساعات فعلا بغلط فى حاجات تافهة جدا
ده شىء عادى
ربنا معاك