[ابانوب ايليا]

المشاركة الأصلية كتبت بواسطة :: [ k a b b o w ] ::

سورى يا جماعه على الكلام اللى انا هقوله ده

و لو فى حد مرهف الأحساس ميقرأش كلامى ده أحسن

بس فى ناس هنا بجد بتستهبل .. أو أنهم مش عارفين قيمه الوقت

أو مش فارقه معاهم حياتهم .. ينجحوا و لا يفشلوا مش تفرق

أنهم يكونوا أنسان اتولد و عاش و قضى حياته فى حجاته ملهاش اي ستين لازمه و مات

و لا حد عرفه و لا عمل حاجه مفيده فى حياته !!!!

يعنى ايه واحد يسيب مستقبله علشان لعبه ؟؟ ده سورى اسمه تخلف

مش بقول اننا مش نلعب و مش نأخد fun time لا طبعا .. أحنا لازم نأخد الوقت ده علشان نقدر نكمل

بس مش لدرجه انى اشوف ناس بتقعد قدام الألعاب دى من أول ما تصحى لحد ما تنام .. 7 أيام فى الأسبوع 30 يوم فى الشهر 12 شهر فى السنة

أيه أهميتك حضرتك دلوقتى .. شخص تافه ضيع مستقبله و ضيع أمل أهله و بسبب لعبه هيتبهدل بقية حياته و هيحس بالمزله لأنه لا يوجد عنده أى علم فى حياته

سورى لا طبعا عنده العلم بالألعاب و اخر العاب نزلت و ال****ات الجامده اللى لسه نازله

اعتقد ان اى شخص يقضى حياته بالشكل ده مش يستحق الحياة اصلا

أحسن له يموت .. لأنه واخد اماكن كائنات تانيه فى الكون ممكن تكون افيد للبشريه منه

الحل لأى حد بيضيع وقته كله فى حاجات زى دى أنه يبص للمرايا و يفتح عنيه و يعرف انه انسان

مطلوب انه يعمل حاجه تفيده... و تفيد أهله .. و تفيد الناس اللى حوليه

مع كامل احترامى ليك لكن اسمح لى انى اعارضك فى الموضوع ده لأن لفظ (بتستهبل) ده جارح شوية
اوك كلنا عارفين ان اهدار الوقت نتيجته كارثية تمام معاك فى دى ولو مثلا قلتلك ان الانسان لو كدب كدبة واحدة ممكن (بعيد عنك وعنا وعن الجميع طبعا) يخسر اخرته هل معنى كده انك انت او انا او حد تانى مش بنكدب؟؟ اطلاقا وحتى لو مش بنكدب اكيد بنعمل اخطاء تانى فى حياتنا وده الطبيعى لأن الانسان بطبيعته غير كامل فالكمال لله وحده وكل منا معرض للخطأ لكن المهم هو الرجوع وعدم الاستمرار فيه
كتير من الناس بيقدروا الوقت اكتر منى ومنك وقعوا ضحية اهداره فيما بعد والسبب غالبا بيكون النت والكمبيوتر علشان كده لازم تعرف ان مش من السهل مقاومة المغريات اللى فى عصرنا ده وبدل ماتقول للناس انتوا بتستهبلوا وتافهين ومتستحقوش الحياة وكلام من ده وتدمر معنوياتهم
كلمهم بطريقة مشجعة تحسسهم بيها ان مفيش حاجة حصلت وان الفرصة موجودة ولكن حتضيع منهم لو استمروا فى عدم تقديرها

اسف للاطالة وشكرا