[مـــــلك]

خفت منها
بس ليه انا خفت منها؟!
ليه قلقت وليه اتفزعت ؟!
ليه ياقلبي عشت لحظه
خوف ورعشه واتوهمت
خفت منها
ايوه خفت
اصلي سارقه الحق منها
عايشه واخده حياتها منها
سارقه لحظه
ايوه لحظه بعيشها جنبه
فدنيا ضلمه
خايفه ابعد أو اقرب
تايهه لكن عايشه راضيه
لحظه فيها قربت
حست وجودي
فتحت الانوار فوشي
اللي اختفي في عتمه سنينه
فجأه المشاعر اتغربت
ونسيت ملامح حبنا
كل اللي فاكراه اننا
عايشين بنسرق حلم
مش من حقنا



كنـــــــــــــــــارة