اقتباس:
المشاركة الأصلية كتبت بواسطة amr_2010
انتو ايه رايكم يا جماعه في الموضوع ده
انا حبيت مرتين وفشلت واتجرحت واتخانت في المره الاول والمره التانيه لسه في اول مراحل الفشل
وكل واحده منهم تقولي انا بحبك ومقدرش ابعد عنك ابدا وبعد شهر يبدأ اهتممها يقل مع ان انا معملتلهاش اي حاجه تزعل ده بالعكس والله
البنت في الاول بتحب بجد وبعدين تقعد مع نفسها وتقول لا ده مش هو ده فتي احلامي
دي عينيه ديقه وتقعد تفكر في واحد تفصيل علي مزاجها ومزاج اهلها وبعدين تخلع الواد ده وشوف بقي هي هتجرح كام واحد
وانا والله يا جماعه شكلي ماوحش ده انا بالعكس والله الناس بتقول عليا امور وهي كمان قالتلي انت احلي مني
والحكايه دي خلت اخويا يقولي البنات بتحبك عشان شكلك وبعدين تكتشف اني في ولاد كتير حلوين وانت عادي ري اي حد وبعدين مشاعرها تتغير
بجد خدوها نصيحة مني اول ماتفكر تحب واحده صلي صلاة استخاره وربنا هيوفقك
واسمع كلامي ماتصدقش الكلام ده انا بحبك ومستحيل انساك ومقدرش اعيش منغيرك
..... الخ
الا لما تصلي صلاة استخاره لان الحب الصادق دلوقتي موجود بنسبة واحد في المليون
منتظر تعليقكم وايه رايكم في الموضوع
|
ايه يا عمور مالك زعلان ليه كده بس ؟ :D
يا ابنى انا اما قلتلك انها بتحبك عشان شكلك كان كلامى نابع من فهم لطبيعة البنات فى السن ده واغلبهم عشان ما اعممش بيبصوا كده واظن انت عارف كام واحدة قالتلك انها بتحبك غيرها يا عم ليوناردو دى كابريو انت
وبعدين انا يا ابنى لما اقولك حاجة ببقى عايز مصلحتك مش اكتر عشان انت اخويا الصغنطط وخايف عليك ومش عايزك تتعلق باوهام زى ما حصل مع ناس تانية
وبالنسبة لحتة الاستخارة دى فمعلش يا عمرو مضحكة اوى :D ...هتستخير ربنا تحبها ولا لاء ؟
وبعدين صحيح يا عمرو انت بتحكم ان حبها ليك قل عشان بطلت تبعتلك مسجات ؟ انت يا عمور هتحس من معاملتها ليك اذا كانت بتحبك ولا لاء بس هقولك حاجة ...اول ما تقولك وتتهمك انك مش بتحبها وانها مش حاسة بحبك يبقى كده اعرف انها خلاص...جالها ملل
وبعدين يا عمور انت لسه ماشفتش الدنيا ولسه هتعرف ناس كتير فما تبنيش احلامك على اشخاص
معلش يا عمور لو كنت زرعت الشكوك جواك :D انا بديك دش عشان تفوق مش اكتر