[فنكوشه المنكوشه]

كل اما اتفرج علي اي طالب ثانويه عامه
واشوف اللي بيحصله واللي بيقوله والياس المتملكه
اقول معلش نفسه يحقق حلمه نفسه يكون حاجه
والاهالي بيصعبوا عليا نفسهم يشوفوا ولادهم احسن حاجه
بس لما لاقيت الموضوع زاد عن حده استغربت ليه دا كله
دا انتا حياله شاب معندكش غير من 16 ل 18 سنه وفي اول حياتك
متوقع ايه انك تكون ناجح في كل حاجه وايه يعني اما تفشل
مره واتنين وتلاته واربعه وخمسه وعشره بس اكيد هتنجح ودا مش كلام دا حقيقه
انا اعرف بنت حصلتلها ظروف جامده اوي مش هحكي عنها لكن كفايه تعرفوا ان الظروف لحد دلوقتي مازالت موجوده والظروف دي منعتها انها تذاكر ال3شهور بتوع المراجعه اللي هما اهم حاجه او بمعني اصح هي بدات مذاكره من نص شهر خمسه ومكنش بتفتح الكتاب بمعني مكنتش بتفتحه لدرجه انها فكرت تاجل السنه كلها ومش هقول انها كانت دحيحه طول السنه هي كانت عاديه جدا حتي مش متفوقه كمان واقدر اقولكم انها دلوقتي مستواها اعلي من مستوي الطالب المتفوق ودا مش كلام في الهوا
مفيش مانع ان الواحد يتملكه لحظات ياس لكن الكارثه هي ان الياس يستحوذ علي الانسان لان معناها ان الانسان دا ضاع
ياشباب حتي لو مجبتوش مجموع مدخلتوش الكليه اللي بتحلموا فيها تاكدوا انكم ادامكم حلين
يا اما هترضي بالامر الواقع وهتلعن التعليم طول حياتك وتبقي ولا حاجه
يااما مش هتستسلم وساعاتها اكيد هتعمل حاجه بجد وهتتاقلم مع المجال اللي انتا دخلته ويمكن تكون حاجه كبيره فيه

مريهان وحسن عشان الامتحانات دخلوا النار !بالذمه مش حاجه تضحك انك تعمل في نفسك كدا عشان كام درجه
انا عارفه اني رغيت كتير بس انا عمري ما شوفت المهازل اللي بتحصل دي قبل كدا
ويمكن فيه ناس تاخد كلامي علي انه مجرد فزلكه لكن كل واحد حر وكل واحد مسئول عن نفسه وحياته اولا واخرا