سؤال برىء بجد . هوه يعنى عشان الواحد مشرف فى الموقع ده يعطيه الحق انه يفرض علينا موضوع هو عامله ويقرره ويكرره علينا ويثبته ونلاقيه فى كل صفحة . واضرب مثال بالزميل السيد العزاوى اللى فارض علينا بالعافية موضوعه الممل القديم ومثبته لما الواحد كره الموقع بسببه . وبعدين يقول لك بمناسبة اقتراب شهر رمضان . احنا فين ورمضان فين . وايه علاقة موضوعه برمضان . والا يكونش قصده رمضان غير اللى احنا عارفينه . ومعلهش انا حاولت اعلق على الموضوع من غير ما اخليه موضوع مستقل لقيته قافل ومانع التعليقات وبيقول الموضوع مغلق . وده اكيد لانه حاسس انه غير معقول وغير مقبول . فبرجاء حذفه وحذف أمثاله من الموضوعات المثبتة اللى بيفرضها علينا المشرفين على الموقع وبيكرروها فى اول كل صفحة نفتحها . ولو كان التثبيت ضرورى نخليه فى اول صفحة بس ويكون لمدة معينة بحد اقصى . ولو كل واحد ثبت موضوع هايبقى شكل الموقع بصراحة مش ظريف ابدا . واخيرا تقبلوا نقدى لصالح الارتقاء بالموقع . وارجو نشره وعدم حذفه . فالمسلم مرآة أخيه . واظن اننى ما غلطتش فى حد ولم استعمل الفاظ جارحة ولا اى حاجة تستوجب الحظر . مش كده والا ايه.