[سيلفانو]

ال ايه بتسألنى
انا بالنسبالك ايه

والله هتجننى
طب ارد اقول انا ايه

دى عايشه جوة منى
ليها قصر فقلبى بانيه

علشان منها متحرمنى
وقلبى تفضل فيه

انا ليكى وبس بعيش
غيرك انتى ليا مفيش
ابعد ازاى متجيش
ده انا لو فكرت هموت

لو فاكرة إنى هسيبك
يا حبيبتى ده يبقا عيبك
مخك يخدك ويجيبك
ده عشان لسه صغنطوط

لما يبقا حلمى
وكل امالى وهمى
تبقى ام لابنى
وزمانى بيكى مبسوط

لما تبقى كيانى
روحى وعقلى ووجدانى
وبعيشلك كل زمانى
ومن غيرك يومى ما يفوت

وبكل بساطه تجيلى
واقفالى وبتقوليلى
انا عايزة اشفى غليلى
وابكى بأعلى صوت

واقولك ليه ايه جرالك
وليه متغير حالك
تردى سؤالى بسؤالك
وتقولى كلام مغلوط

انى ليكى هسيب
وانك مش اغلى حبيب
والله يا حبيبتى عيب
ده عقلك مش مظبوط

واجى اهزر واهرج
تقوليلى ليه بتتهرب
اقف تانى واستغرب
وافضل هادى فسكوت

تقوليلى ساكت ليه ؟
بتفكر تقولى ايه ؟
انت مبتردش ليه ؟
مترد انا واقفه هموت

ابص وارد عليها
اقولها عايش بيها
وحياتى عشانها وليها
تقول وانا فيك بموت



ال ايه بتسألنى
انا بالنسبالك ايه

والله هتجننى
طب ارد اقول انا ايه

دى عايشه جوة منى
ليها قصر فقلبى بانيه

علشان منها متحرمنى
وقلبى تفضل فيه



بقلمى :::: نــــــــــــــــــور