[ahmed mohmoed ahmed]

المشاركة الأصلية كتبت بواسطة عبد البديع

شكرا يا احمد , منتظر الحلقة القادمة ان شاء الله ...

السلام عليكم ورحمة الله وبركاته .. أهلا بكم فى حلقة جديدة من برنامجنا أزاى تجيب مجموع فى الثانوية العامة 2013م ...

الحلقة الثالثة : الفيزياء "بعبع الثانوية العامة"
الفيزياء مادة سهلة جدا وبسيطة ومحتاجة تركيز عالى .. هى مشكلتها انها طويلة بس انشاء الله كلنا هنجيب فيها خمسين ...
امتحان الفيزياء يوم السبت الموافق 15 - 6 - 2013م وعندنا أربع أيام ونصف لمذاكرة الفيزياء بس انا بفضل نذاكر دلوقتى ونخلى هذه الأيام لحل الامتحانات ... ازاى هنذاكر ونبدأ منين ..
أولا : نذاكر الفيزياء من البداية ونركز على أهم القوانين والمسائل الموجودة فى كل فصل .. أحنا عندنا شهر مايو يعنى أربع أسابيع تعالوا مع بعضنا نوزع منهج الفيزياء على هذا الشهر :
الأسبوع الأول : مذاكرة الوحدة الأولى والثانية
الأسبوع الثانى : مذاكرة الوحدة الثالثة والفصل التاسع من الوحدة الرابعة
الأسبوع الثالث : مذاكرة الفصلين العاشر والحادى عشر من الوحدة الرابعة
الأسبوع الرابع : مذاكرة الوحدة الخامسة
ثانيا : نظام امتحان الفيزياء للصف الثالث الثانوى لعام 2013م
الامتحان ستة أسئلة نختار منهم خمسة أسئلة فقط وكل سؤال عليه عشرة درجات .. بس نصيحة منى حل الستة كاملين .. وأوعى تسيب سؤال فى الامتحان
ثالثا : محتويات كتاب الفيزياء :
الوحدة الأولى : 1- الحركة الموجية 2- الصوت 3- الضوء
الوحدة الثانية : 4- خواص الموائع الساكنة 5- خواص الموائع المتحركة
الوحدة الثالثة : 6- قوانين الغازات 7- نظرية الحركة للغازات 8- علم التبريد
الوحدة الرابعة : 9- التيار الكهربى وقانون أوم
10- التأثير المغناطيسى للتيار الكهربى وأجهزة القياس
11- الحث الكهرومغناطيسى للتيار الكهربى
الوحدة الخامسة : 12- ازدواجية الموجة والجسيم
13- الأطياف الذرية
14- الليزر
15- الألكترونيات الحديثة
رابعا : الكتب الى هتذاكر منها .. انصحك بمذاكرة وحل كتاب المثالى فى الفيزياء المراجعة النهائية والامتحانات لأنه جايب أسئلة ومسائل مهمة على كل فصل .
وأيضا تذاكر من كتاب الامتحان المراجعة النهائية بس الجزء الأول فقط بتاع الشرح "المفكرة" لأنه ملخص كامل لأهم المصطلحات والتعليلات والافكار والقوانين بطريقة مبسطة لكل فصل .
خامسا : ازاى ننظم ورقة الامتحان :
كراسة الاجابة 24 صفحة و 3 ورقات رسم بيانى "استمارة 90" يعنى عدد كافى من الورق علشان تحل جميع أسئلة الامتحان .. وطبعا تحل كل جزئ فى ورقة يعنى السؤال الأول (أ) فى ورقة وهكذا .... ولو ماقدر الله فى سؤال صعب ياريت تفكر فيه وتكتب الى انت عارفوا يعنى متسبش سؤال فاضى .. وادينى بقول تانى حل الستة أسئلة كاملين وياريت تبدأ بالرسم البيانى لأنه سؤال هدية فى الامتحان يعنى حرام تضيع درجته .
سادسا : نصيحة اخيرة .. خليك مرن فى استخدام القوانين والاثباتات لأنى مستحيل هتلاقى مسئلة تعويض مباشر ... ولو فى مسئلة اختيارات أوعى تختار على طول حل المسألة الأول فى كراسة الاجابة وبعدين اختار من بين الاقواس .
ودلوقتى انتهت حلقتنا والى اللقاء مع حلقة جديدة فى مادة اللغة الانجليزية انتظرونى يوم الجمعة الموافق 26 - 4 - 2013م .. انتظرونى ولأى استفسار رقم تليفونى 01114072041