أحلف على مصحف
ومن غير ما أحلف
وأحلف ليه
أن قنديل نفسه
مش مقتنع بنفسه
ومش عارف راسه من رجليه
وشيخ حارة مش رئاسة الوزارة
كبيرة قوى قوى عليه
منه لله مرسى
هو اللى معجب فيه
وفى قصة حب طويلة عريضة
والكلام دا مش من عندى
دا باين فى عينه
دا ناقص شوية ويطلب أيديه
أنا مش عارف هو فرحان بيه كدا ليه ؟
كأنه كنز وأحنا مش حاسين بيه
أنا واحد من الناس نفسى
أعرف هو فيه أية ؟
دا ضيف شرف
دا أحنا طلعنا ظلمنا عصام شرف
والله العظيم حاجة قرف
أنا عايز أعرف هو وحكومته بيعملوا أية ؟؟
البلد بتخسر كل يوم أكتر من مليار جنية
ومرسى بيشحت علينا ؟بيشحت غدانا
لحد أمتى هانفضلوا مادين أيدينا
ربنا ينجينا من اللى أحنا فيه
أنا مش عارف فين الكرامة؟
يا جماعة حد يقولى الثورة اللى غيرت العالم
ما قدرتش تغيرنا ليه ؟
أنا مش عارف مرسى بيحب فيه أية ؟
أنا مش ضد الحب اللى بينكم
الحب مطلوب وربنا يصفى القلوب
بس نفسى أعرف
الشعب ذنبه أية ؟؟؟؟؟
البلد بقت فيها منكم
وملامحها من ملامحكم
ياريت حد يفهمنا ويقولنا
أصل الحكاية أية
لو كنا ظلمنا مبارك
أحنا على أستعداد
نرحوا نبوسوا أيديه
لو كنا ظلمنا نفسنا
يبقى الله يرحمنا كلنا
بس حد يكلمنا ويقولنا
أية اللى بيحصل فينا وبيحصل ليه ؟؟؟؟؟؟
هى البلد دى بلدنا
ولا حكايتها معانا أية ؟؟
أنا اللى طول عمرى كنت بدافع عن مرسى وعن الاخوان
كان عندى أمل فى بكرة بس بكرة أصبح فى خبر كان
الشاعر
عبد الحميد بدوى
|