اقتباس:
المشاركة الأصلية كتبت بواسطة يارب طب
-سلام عليكم-
المطلوب من السادة الأعضاء:-
1)هل ممكن اقدر بعد دلوقتى اجيب مجموع عااااالى.
2)طيب لو ممكن هيبقى ازاى.
3)ياريت جدول مذاكرة <اخوكم برضه ومزنوق>.
الموضوع بسرعة وبساطه هو: (انا ف 3 ث ازهر علمى) فاضل شهر على الأمتحانات وانا لسه مذاكرتش اى حاجه(يعنى ابيض يا ورد) يادوب هى الدروس وبس والأساتذة فى الدرس مكانوش بيراجعوا..اه بقى اللى حصل محدش يزعق..ف بالله عليكم تساعدوا (من نفس عن مؤمن كربه من كرب الدنيا نفس الله عنه كربه من كرب يوم القيامة).....بس خلاص.
|
مدام فيه وقت يبقى فيه فرصة
اما الجدول فانت تعمله لاننا منعرفش موادك ايه ومستواك فيها انت اللى تعمله بس تمشى عليه .مش كل يوم تعمل جدول ومتشيش عليه
بص بقى يا معلم
المواد بتاع الدين اللى هو فقه وحديث وقراان و................اكيد انت متأسس فيها كويس وهى سهلة جدا حسب كلام واحد قريبى .فمفيهاش مشكلة
اما الامتحانات التانية.فانت سورى يعنى بتدلع اوى. لانك المفروض متذاكرش وتدخل تجيب الدرجة النهائية
امتحاناتكوا بتكون صغيرة اووووووووى وسهلة
والله العظيم السنة اللى فاتت عمى جابلى امتحانات الازهر علشان كان بيراقب.
ايه الاستهبال ده!!
الانجليزى يتحل فى نص ساعة ولو واحد بتاع ابتدائى مش هيقل عن 50 من 25
الاحياء الامتحان..قد ربع امتحان الاحياء بتاعنا واسئلة سهلة اوووى
وقيس ع كده كل المواد اللى شوفتها..
فانت تفائل بالخير..واعتبر نفسك خلصت مذاكرة وبتراجع علشان متيأسش فى المذاكرة...واعتبر نفسك عبقرينوا وفاكر كل حاجة يعنى وانت بتذاكر قول انا فاكر الكلام ده وذاكرته قبل كده..ايه ده ده السؤال ده سهل اوى انا احل التفاهة دى..
بالزمة دى مسألة ..دى سهلة موز
وديماكده اعمل نفسك بريمو هتلاقى مخك جاب نتيجة كويسة اوى..