[yasoo alaa]

المشاركة الأصلية كتبت بواسطة ahmed ali12345

مدام فيه وقت يبقى فيه فرصة
اما الجدول فانت تعمله لاننا منعرفش موادك ايه ومستواك فيها انت اللى تعمله بس تمشى عليه .مش كل يوم تعمل جدول ومتشيش عليه
بص بقى يا معلم
المواد بتاع الدين اللى هو فقه وحديث وقراان و................اكيد انت متأسس فيها كويس وهى سهلة جدا حسب كلام واحد قريبى .فمفيهاش مشكلة
اما الامتحانات التانية.فانت سورى يعنى بتدلع اوى. لانك المفروض متذاكرش وتدخل تجيب الدرجة النهائية
امتحاناتكوا بتكون صغيرة اووووووووى وسهلة
والله العظيم السنة اللى فاتت عمى جابلى امتحانات الازهر علشان كان بيراقب.
ايه الاستهبال ده!!
الانجليزى يتحل فى نص ساعة ولو واحد بتاع ابتدائى مش هيقل عن 50 من 25
الاحياء الامتحان..قد ربع امتحان الاحياء بتاعنا واسئلة سهلة اوووى
وقيس ع كده كل المواد اللى شوفتها..
فانت تفائل بالخير..واعتبر نفسك خلصت مذاكرة وبتراجع علشان متيأسش فى المذاكرة...واعتبر نفسك عبقرينوا وفاكر كل حاجة يعنى وانت بتذاكر قول انا فاكر الكلام ده وذاكرته قبل كده..ايه ده ده السؤال ده سهل اوى انا احل التفاهة دى..
بالزمة دى مسألة ..دى سهلة موز


وديماكده اعمل نفسك بريمو هتلاقى مخك جاب نتيجة كويسة اوى..

شوف انا محترمه رايك جداااا بس سورى مش موافقاك ف كل حاجه
اه انا معاك انه هيلحق ويجيب مجموع عالى لو ضاعف مجهوده شويه وتفائل وانه ميحطش ف دماغه انه مش هيلحق ولا الكلام ده كله

انا كمان ف ازهر على فكره وف 3 علمى وبرده عندى مشكله جامده ان فى بعض المواد انا معرفش فيها اى حاجه

بس انا مش موفقاك ف ان المواد الشرعيه سهله زى ما انت بتقول
لانها محتاجه حفظ هى كلها حفظ اصلا والحفظ ده مشكله عند ناس كتير واولهم انا
فممكن هو يكون عنده نفس المشكله
وكمان المواد العربيه محتاجه شوية تركيز ف بعضها

انما بقى حكاية ان الامتحانات سهله وقصيره فدى طبعا معلومه غلط بجد بدليل ان فى مسائل فيزياء ف كتاب الامتحان من الازهر وبتبقى صعبه

ولعلمك احنا نتمنى ان الامتحان يكون طويل لان نقدر نجمع فيه درجات بعكس القصير
والانجليزى مش دايما بيكون سهل على فكره
انت اكيد شوفت امتحانات تانيه مش تالته لان تانيه حاجه وتالته حاجه تانيه خاااااااالص

طيب لو ينفع تبدل معايا واكون بدالك ف التربيه والتعليم يبقى عملت فيا معروف وربنا

اهم حاجه لصاحب التوبيك انك تشد حيلك شويه وتضاعف المجهود شويه بس الشهر ده عشان ترتاح ف الاخر
انا عارفه انها صعبه بس مفيش حاجه صعبه مع الاصرار وخلى هدفك قدامك دايما
وبالتوفيق ان شاء الله وادعيلى انا كمان